Премьер-министр Сапар Исаков Д.Зилалиевге эскертүү берип шайлоо боюнча Штабдын төрагасынын милдетин Темир Жумакадыровго жүктөдү

21 Аяк оона, 2017

Кыргыз Республикасынын Премьер-министри Сапар Исаков вице-премьер-министр Дүйшөнбек Зилалиевге эскертүү берип, Кыргыз Республикасынын Президентин шайлоого даярдык көрүү жана өткөрүү боюнча уюштуруу-техникалык маселелерин чечүүдө шайлоо комиссияларына көмөк көрсөтүү боюнча республикалык штабдын төрагасынын милдеттерин вице-премьер-министр Темир Жумакадыровго жүктөөнү тапшырды.

Премьер-министрдин мындай чечими Дүйшөнбек Зилалиевдин талапкерлердин бирине өзүнүн жеке  артык көрүүсүн жарыялоосуна баланыштуу болду.

Премьер-министр Сапар Исаков ошондой эле Штабдын мүчөлөрүнө шайлоо тизмелеринин сапаттуу даярдалышына, шайлоо тилекелеринде коомдук тартипти сактоону камсыз кылууга жана жарандардын эркин шайлоосуна шарт түзүүгө өзгөчө көңүл бурууну милдеттендирди.

Сүрөтөрдү көчүрүп алуу

 Кыргыз Республикасынын Өкмөтүнүн Аппаратынын

маалыматтык камсыздоо бөлүмү