Премьер-министр Сапар Исаков ушул жылдын 9 айындагы бюджеттин аткарылышы тууралуу жыйын өткөрдү

4 Тогуздун айы, 2017

Кыргыз Республикасынын Премьер-министри Сапар Исаков бүгүн, 4-октябрда, ушул жылдын 9 айындагы бюджеттин аткарылышы тууралуу жумушчу жыйын өткөрдү.
Жыйында финансы министринин орун басары Алмаз Бакетаев, Бажы кызматынын төрагасы Азамат Сулайманов жана Мамлекеттик салык кызматынын төрагасынын орун басары Кубанычбек Кумашов 2017-жылдын январь-сентябрь айларында респбуликалык бюджетке 97 857,3 млн. сом каражат түшүп, бул 102,2 % түзгөнүн билдиришти.

2016-жылдын ушул маалына салыштырмалуу ресурстар 11,6% өсүп, 10 142,6 млн. сомго жеткен.

Республикалык бюджеттин жалпы кирешеси 85 346,0 млн. сом же 102,7% болду. Бул көрсөткүч 2016-жылга салыштырмалуу 14 756,8 млн. сомго жогору.

Салык кызматы боюнча 40 578,6 млн. сом каражат түшүп, план 98,7% аткарылган. Бажы кызматы боюнча 24 303,0 млн. сом түшүп, план 101,0% жетти.

Өкмөт башчы Сапар Исаков министрликтер менен ведомстволордун жетекчилеринен октябрь айына карата бюджеттин пландалган бөлүгүн өз убагында аткарууну тапшырды.

Сүрөтөрдү көчүрүп алуу

 

Кыргыз Республикасынын Өкмөтүнүн Аппаратынын
маалыматтык камсыздоо бөлүмү