Премьер-министр Сапар Исаков Ысык-Көл облусундагы аз камсыз болгон үй-бүлөлөрдөн кабар алды

13 Тогуздун айы, 2017

Кыргыз Республикасынын Премьер-министри Сапар Исаков Ысык-Көл облусуна болгон жумуш сапарынын алкагында Ысык-Көл облусундагы аз камсыз болгон үй-бүлөлөрдөн кабар алды.

Өкмөт башчы Ак-Суу районунун Ак-Суу айылындагы Бекзат Идирис уулунун үйүнө барды.

Аталган үй-бүлөнүн 4 баласы бар, кичүү кызы Нурайым мээ шалы менен жабыркап келет. Атасы Бекзаттын туруктуу иштеген жумушу жок, ал эми апасы үй кожойкеси.

Андан соң Премьер-министр Сапар Исаков Түп районунун Күрмөнтү айылында жашаган 1941-жылы туулган Шайырбүбү Усмамбетованын үйүнө барды.

Шайырбүбү апа 1-топтогу майып, бир бутунан ажыраган, анын уулу кулагы начар угат.

Мындан сырткары Өкмөт башчы Ысык-Көл районунун Ананьево айылынын тургуну Гүлзат Казакованын үйүнө барды. Ал төрт баланын энеси, социалдык колдоого муктаж.

Сапар Исаков аларга материалдык колдоо көрсөтүп, сатып алган азык-түлүктөрүн берип, колдоо сөзүн айтты. Мындан сырткары тиешелүү мамлекеттик органдарга аларды медицианлык дарылоодон өткөрүү жана социалдык көйгөйүн чечүү боюнча тапшырма берди.

Сүрөтөрдү көчүрүп алуу

Кыргыз Республикасынын Өкмөтүнүн Аппаратынын

маалыматтык камсыздоо бөлүмү