ФОТОРЕПОРТАЖ — Премьер-министр Сапар Исаков КМШ Өкмөт башчыларынын кеңешинин кезектеги жыйынына катышты

3 Жетинин айы, 2017

Кыргыз Республикасынын Премьер-министри Сапар Исаков бүгүн, 3-ноябрда, Өзбекстан Республкиасынын Ташкент шаарында өткөн Көз карандысыз Мамлекеттер Шериктештигине кирген мамлекеттердин Өкмөт башчыларынын кеңешинин кезектеги жыйынына катышты.

КМШ Өкмөт башчыларынын кеңешинин кезектеги жыйыны тар жана кеңири курамда өттү.

Ошондой эле КМШ Өкмөт башчыларынын кеңешинин кезектеги жыйынынын алкагында Премьер-министр Сапар Исаков Өзбекстан Республкиасынын Премьер-министри Абдулла Арипов жана Беларусь Республикасынын  Премьер- министри Андрей Кобяков менен жолукту.

Мындан сырткары Өкмөт башчы Кыргыз Республикасынын Өзбекстан Республкиасындагы элчилигинин ишмердүүлүгү менен таанышып, Мирзо Улугбек атындагы Өзбекстандын Улуттук Университетинде жайгашкан «Чынгыз Айтматов Өзбекстанда» аттуу туруктуу экспозициясына барды.

Сүрөтөрдү көчүрүп алуу

Кыргыз Республкиасынын Өкмөтүнүн Аппаратынын
маалыматтык камсыздоо бөлүмү