Вице-премьер-министр Дайыр Кенекеев КР СӨП Эл аралык бейтарап сотунун 15-жылдыгына арналган конференцияга катышты

30 Жетинин айы, 2017

Кыргыз Республикасынын вице-премьер-министри Дайыр Кенекеев, бүгүн, 30-ноябрда, КР Соода-өнөр жай палатасынын алдындагы Эл аралык Бейтарап соту уюштурган “Борбордук Азия боюнча бейтарап сот институттарынын өнүгүү келечеги” боюнча мааракелик эл аралык конференциясына катышты.

Иш-чара КР Соода-өнөр жай палатасынын алдындагы Эл аралык бейтарап сотунун 15 жылдыгына арналган.

“Жакында Кыргыз Республикасынын туруктуу өнүктүрүү боюнча Улуттук кеңештин төртүнчү отуруму болуп, анда 2040-жылга чейинки өлкөнү өңүктүрүү боюнча долбоор каралды. Анын негизги приоритети болуп, Кыргызстанда бизнести колдоо жана өнүктүрүү багыты турат” –деди Д. Кенекеев.

Ошондой эле, вице-премьер-министр Дайыр Кенекеев Кыргыз Республикасынын Өкмөту тарабынан “Жаңы доорго- кырк кадам” орто мөөнөттү программасы ишке ашып жатканын айтып, андагы эки негизги багыт бизнести өнүктүрүүгө байланыштуу экенин белгиледи.

“Биринчи багыты-“Таза-Коом” Улуттук программасы бизнес жана мамлекеттик органдардын мамилелерин санариптештирүү менен  мамлекеттик кызмат көрсөтүүлөрдө ашыкча бюрократиялык тоскоолдуктарды алып, бюрократия жана коррупция элементтерин түп тамыры менен жоюу. Экинчи багыты- “Биз -бизнес менен” деп аталып, анда жаңы гана негизделип жаткан бизнес менен катар иштеп жаткан инвесторлорго жагымдуу шарттарды түзүү” – деди Д.Кенекеев.

Вице-премьер-министр Дайыр Кенекеев жарандык укук мамилелери боюнча талаш-тартыштарды чечүүдө Кыргыз Республикасынын Соода-өнөр жай палатасынын алдындагы Эл аралык бейтарап соту сыяктуу  арбитраждык институттардын өзгөчө ордун белгилеп кетти.

“Соода-өнөр жай палатасынын алдындагы Эл аралык бейтарап соту негизделгенден бери 800 ашык экономикалык талаш тартыштар каралып, арыздарда талап кылынган сумма 77 миллион АКШ доллардан ашкан”, -деди Д. Кенекеев.

Кыргыз Республикасынын Соода-өнөр жай палатасынын алдындагы Эл аралык Бейтарап соту өлкөдөгү экономикалык талаштарды көзкарандысыз арбиртлар менен ыкчам жана сапаттуу чечилишин камсыз кылган бейтарап институттардын катарына кирет.

Сүрөтөрдү көчүрүп алуу

 

Кыргыз Республикасынын Өкмөтүнүн Аппаратынын

коомчулук жана ЖМК менен байланышуу боюнча бөлүмү