Премьер-министр Сапар Исаков «Торугарт-автодорожный» көзөмөл-өткөрүү пунктунун жаңы имаратын пайдаланууга берилишин тездетүүнү тапшырды

29 Бештин айы, 2017

Кыргыз Республикасынын Премьер-министри Сапар Исаков бүгүн, 29-декабрда, Нарын облусуна жумушчу сапарынын алкагында кыргыз-кытай мамлекеттик чек арасындагы «Торугарт-автодорожный» көзөмөл-өткөрүү пунктунун иши менен таанышты.

Премьер-министр транспорттук көзөмөл, фитосанитардык коопсуздук, санитардык-карантиндик көзөмөл жана ветеринардык коопсуздук пункттарынын иши менен таанышты.

Кыргыз Республикасынын Мамлекеттик чек ара кызматынын төрагасы Уларбек Шаршеев маалымдагандай, аталган көзөмөл-өткөрүү пунктунда тесттик режимде Тышкы миграцияны эсепке алуунун бирдиктүү тутуму ишке киргизилген.

Өкмөт башчы аталган тутумду өлкөнүн бардык көзөмөл-өткөрүү пункттарында киргизүү зарылдыгын белгиледи.

Ошондой эле Премьер-министр Сапар Исаков курулушу кытай мамлекети тарабынан гранттык көмөк көрсөтүү алкагында жүргүзүлүп жаткан «Торугарт» көзөмөл-өткөрүү пунктунун жаңы имаратын көрүп чыкты.

Бүгүнкү күндө бардык курулуш иштери жыйынтыкталды. Имаратта административдик бөлмөлөр, ашкана жана жатакана каралган.

Кыргыз Республикасынын Өкмөтүнө караштуу Мамлекеттик бажы кызматынын төрагасы Кубанычбек Кулматов «Торугарт-автожол» көзөмөл-өткөрүү пунктунун модернизацияланган инфраструктурасы ЕАЭБдин бардык стандарттарына жооп берет жана кыргыз-кытай мамлекеттик чек арасын кесип өтүүдө жагымдуу шарттарды камсыздоого мүмкүндүк түзөт деп белгиледи.

Кыргыз Республикасынын Өкмөтүнүн Аппаратынын
коомчулук жана ЖМК менен байланышуу боюнча бөлүмү