ФОТОРЕПОРТАЖ – Премьер-министр Мухаммедкалый Абылгазиев ЕӨАК кезектеги жыйынына катышты

27 Теке, 2018

Кыргыз Республикасынын Премьер-Министри Мухаммедкалый Абылгазиев бүгүн, 27-июлда Россия Федерациясынын Санкт-Петербург шаарында өткөн Евразия Өкмөттөр аралык Кеңешинин кезектеги жыйынына катышты.

Жыйында Евразия экономикалык биримдигинин мүчө-мамлекеттеринин кызматташууларын мындан аркы тереңдетүү маселелери каралды. Евразия Өкмөттөр аралык Кеңешинин жыйынынын жыйынтыгы боюнча бир катар документтерге кол коюлду.

Жыйындын жыйынтыгы боюнча Кыргыз Республикасынын Премьер-Министри Мухаммедкалый Абылгазиевдин Россия Федерациясынын Өкмөтүнүн Төрагасы Дмитрий Медведев менен жолугушуусу өтүп, анда тараптар эки жактуу кызматташуу келечектерин талкуулашты.

Евразия Өкмөттөр аралык Кеңешинин жыйыны ЕАЭБ катышуучу-өлкөлөрүнүн: Армения Республикасынын, Беларусь Республикасынын, Казакстан Республикасынын, Кыргыз Республикасынын жана Россия Федерациясынын Өкмөт башчыларынын катышуусунда өттү.

Сүрөттөрдү көчүрүп алуу

Кыргыз Республикасынын
Өкмөтүнүн Аппаратынын
маалыматтык камсыздоо бөлүмү