2017-жылдын I жарым жылдыгында Өкмөттүн Аппаратына жарандардан 2436 жазуу жана 567 оозеки түрүндө кайрылуу келип түшкөн

13 Теке, 2017

2017-жылдын  I жарым жылдыгында Өкмөттүн Аппаратына жарандардан 2436 жазуу жана 567 оозеки түрүндө кайрылуу келип түшкөн, анын ичинде:

 - Кыргыз  Республикасынын  Президентинин  Аппаратынан – 132;

- Кыргыз Республикасынын Жогорку Кеңешинен – 460;

- Кыргыз Республикасынын  Премьер-министринин коомдук кабылдамасына – 420;

- электрондук кайрылуулар – 371;

- КМШ катышуучу мамлекеттерден жана алыскы чет өлкөлөрдөн – 13.

Жыйынтыгында оң чечим кабыл алынгандары боюнча 68, 389 кайрылуу боюнча түшүндүрүү жооптору берилген, 43 кайрылуу артка кайтарылган жана 1412 кайрылуу контролго алынган. 2017-жылдын  I жарым жылдыгындагы жалпы  кайрылуулардын ичинен калкты өзгөчө түйшөлткөн маселелерди төмөнкүдөй багыттарда бөлүүгө болот:

- социалдык кызматтардын иши, пенсия, жөлөк пулдар жана материалдык жардам көрсөтүү боюнча –  289 (11,86 %);

- турак-жай маселелери – 215 (8,83 %);

- билим берүү жана илим маселелери  - 211 (8,66 %);

- агро өнөржай комплекси, экология, дыйкан фермердик чарбалар – 147 (6,03 %);

- жумушка орношуу, эмгек талаш-тартышы жана айлык акы – 112 (4,59 %);

- курулуш жана  архитектура маселелери – 106 (4,35 %);

-укук коргоо органдарына тиешелүү маселелер –  96 (3,94 %);

- саламаттыкты сактоо маселелери – 88 (3,61 %).

Кыргыз Республикасынын Премьер-министринин Коомдук кабылдамасына 2017-жылдын  I жарым жылдыгында 279 адам кайрылган, анын ичинен 14 кайрылууну  Кыргыз Республикасынын Өкмөтүнүн жетекчилиги  кабыл алган: Премьер-министр – 5 адамды, социалдык маселелер боюнча вице-премьер-министр – 5 адамды, Кыргыз Республикасынын Өкмөтүнүн Аппарат жетекчиси-министр – 4 адамды,  Кыргыз  Республикасынын Өкмөтүнүн Аппаратынын өкүлдөрү тарабына 232 адам кабыл алынган. Көпчүлүк маселелер кабыл алуунун жүрүшүндө чечилсе, айрым маселелер боюнча тапшырмалар берилип, түшүндүрүү иштери жүргүзүлгөн.

 Кыргыз Республикасынын Өкмөтүнүн

Аппаратынын маалыматтык камсыздоо бөлүмү