Өкмөт Аппарат Жетекчисинин Биринчи орун басары

SAGA9304-140x196
Мукамбетов Мурат Картайбекович 1971-жылдын 3-апрелинде Жалал-Абад облусунун Таш-Көмүр шаарында туулган.

1993-жылы Кыргыз Архитектура жана курулуш институтун инженер-куруучу адистиги боюнча аяктаган.

Эмгек ишмердүүлүгү:

[1993-1994] «Арка-Бел», ЖЧК Мастер

[1994-1995] «ОМА-94» Кыргыз-Япон окуу борбору, Менеджер

[1995-1998] Кыргыз-Япон «ОМА Корпорациясы», Инженер

[1998-1999] Өзгөчө кырдаалдар жана жарандык коргонуу министрлиги, алдыңкы адис

[1999-2002] Чүй облусунун мамадминистрациясы, башкы адис, социалдык-маданий өнүктүрүү бөлүмүнүн начальниги

[2002] Бишкек шаарынын Свердлов райондук жергиликтүү өз алдынча башкаруу администрациясы, Жетекчинин Биринчи орун басары

[2002-2003] Бишкек шаарынын Ленин райондук жергиликтүү өз алдынча башкаруу администрациясы, Жетекчинин Биринчи орун басары

[2003] КР Премьер-министринин Аппараты, мамкызмат, жергиликтүү мамлекеттик администрация жана жергиликтүү өз алдынча башкаруу орган башкармалыгы , Эксперт

[2003-2004] Кыргыз Республикасынын Премьер-министринин Аппараты, мамкызмат, жергиликтүү мамлекеттик администрация жана жергиликтүү өз алдынча башкаруу орган башкармалыгы, уюштуруу иштери боюнча инспектор

[2004] Кыргыз Республикасынын Премьер-министринин Аппараты, мамкызмат, жергиликтүү мамлекеттик администрация жана жергиликтүү өз алдынча башкаруу орган башкармалыгы, мамкызмат, кадрлар жана административдик реформалар башкармалыгы, кадрлар сектору, башчы

[2004] КР Премьер-министринин Аппараты, мамлекеттик жана муниципалдык кызмат башкармалыгы, кадрлар сектору, башчы

[2004-2005] КР Премьер-министринин Аппараты, экономика, өнөр-жай жана соода башкармалыгы, инвестициялык саясат жана ишкердүүлүктү өнүктүрүү сектору, башчы

[2005] Премьер-министрдин Аппараты, мамлекеттик жана муниципалдык кызмат башкармалыгы, уюштуруу иштери боюнча инспектор

[2005] Геология жана минералдык ресурстар боюнча мамагенттик, директордун орун басары

[2005-2006] Мамлекеттик кызмат жана аймактык өнүктүрүү башкармалыгы, жергиликтүү өз алдынча башкаруу боюнча бөлүм, бөлүм башчы

[2006] Ысык-Көл облусунун Түп районунун мамлекеттик администрациясы, акимдин м.а. – аким

[2006-2007] КР Президентинин Администрациясы, уюштуруу иштери жана мамлекеттик башкаруу саясаты бөлүмүнүн уюштуруу жана көзөмөлдөө иштери сектору, мамлекеттик инспектор

[2007-2008] КР Өкмөтүнүн Аппараты, уюштуруу-инспектордук иштер жана аймактык өнүктүрүү бөлүмү, бөлүм башчы

[2008-2009] КР Өкмөтүнүн Аппараты, Аппарат Жетекчисинин орун басары

[2009-2010] Ысык-Көл облусунун мамлекеттик администрациясы, жетекчинин орун басары

[2010] Кыргыз Республикасынын Убактылуу Өкмөтүнүн Аппараты, мамлекеттик кызмат жана административдик реформалар бөлүмү, бөлүм башчы

[2010] Президенттин Администрациясы, мамлекеттик кызмат жана мамлекеттик башкаруу саясаты бөлүмү, бөлүм башчы

[2010] Кыргыз Республикасынын Өкмөтүнүн Аппарат Жетекчисинин орун басары

[2012] Кыргыз Республикасынын Президентинин Аппарат Жетекчисинин Биринчи орун басары

[с 7.09.2012] Кыргыз Республикасынын Өкмөтүнүн Аппарат Жетекчисинин Биринчи орун басары

2. Кыргыз Республикасынын Өкмөтүнүн Аппарат жетекчисинин биринчи орун басары (Мукамбетов М.К.)

Кыргыз Республикасынын Өкмөтүнүн Аппарат жетекчисинин биринчи орун басары мамлекеттик башкаруу, кен пайдалануу, аналитикалык, укуктук камсыздоо, чек араларды делимитациялоо, чек арага жанаша аймактарды өнүктүрүү маселелери боюнча Кыргыз Республикасынын Өкмөтүнүн Аппаратынын ишин контролдойт.

Кыргыз Республикасынын Өкмөтүнүн Аппаратынын мамлекеттик башкаруу, мамлекеттик кызматты уюштуруу; минералдык ресурстарды пайдалануу, Кыргыз Республикасынын Өкмөтүнүн кароосуна берилген ченемдик укуктук актылардын долбоорлорун укуктук камсыздоо жана экспертиза жүргүзүү, агроөнөр жай комплекси, экология, регламент жана иш кагаздарын жүргүзүү, Кыргыз Республикасынын Премьер-министрин аналитикалык камсыздоо маселелери боюнча ишин координациялайт.

Кыргыз Республикасынын Өкмөтүнүн Аппаратынын айлана-чөйрөнү коргоо, агроөнөр жай комплексин жана жаратылышты пайдаланууну өнүктүрүү, мамлекеттик жана материалдык резервдеги материалдык баалуулуктарды топтоо, сактоо жана пайдалануу, ветеринардык жана фитосанитардык коопсуздукту контролдоо жана көзөмөлдөө маселелери боюнча ишин координациялайт.

Кыргыз Республикасынын Өкмөтүнүн жана Кыргыз Республикасынын Премьер-министринин иш кагаздарын жүргүзүүнү, ошондой эле Кыргыз Республикасынын Өкмөтүнүн Аппаратынын ишин документтик камсыздоону уюштурат.

Кыргыз Республикасынын Өкмөтүнүн токтомдорун жана буйруктарын, Кыргыз Республикасынын Премьер-министринин буйруктарын жана жазуу жүзүндөгү тапшырмаларын, Кыргыз Республикасынын вице-премьер-министрлеринин тапшырмаларын, Кыргыз Республикасынын Өкмөтүнүн Аппаратынын жетекчилигинин тапшырмаларын кабыл алынган стандарттарга ылайык тариздөөнү, аларды аткаруучуларга жеткирүүнү камсыз кылат.

Жашырындык режимин сактоо, мамлекеттик сырды түзгөн жана Кыргыз Республикасынын мыйзамдары менен корголуучу маалыматтарды сактоо боюнча Кыргыз Республикасынын Өкмөтүнүн Аппаратынын ишин координациялайт.

Кыргыз Республикасынын Өкмөтүнүн Регламентинин, Кыргыз Республикасынын Өкмөтүнүн Аппаратында Документтер менен иштөөнүн регламентинин талаптарынын аткарылышын, Кыргыз Республикасынын Өкмөтүнүн токтомдорун жана буйруктарын, Кыргыз Республикасынын Премьер-министринин буйруктарын, Кыргыз Республикасынын Жогорку Кеңешине киргизүүдө Кыргыз Республикасынын мыйзамдарынын долбоорлорун, ошондой эле башка ченемдик укуктук актыларды жана документтерди даярдоодо жана тариздөөдө стандарттардын сакталышын контролдоо боюнча ишти координациялайт.

Кыргыз Республикасынын Өкмөтүнүн жыйындарын жана Кыргыз Республикасынын Премьер-министри катышуучу кеңешмелерди өткөрүүнү уюштуруучулук-методикалык жана протоколдук камсыздоо боюнча чараларды көрөт.

Аткаруу бийлигинин органдарынын системасын реформалоо, аткаруу бийлиги органдарында мамлекеттик кызматты өркүндөтүү, министрликтердин, мамлекеттик комитеттердин жана администрациялык ведомстволордун ишин жана түзүмүн оптималдаштыруу, башкаруу ишин жана мамлекеттик, муниципалдык кызмат көрсөтүүлөрдү стандартташтыруу, мамлекеттик бийлик органдарынын жана алардын жетекчилеринин ишинин натыйжалуулугуна мониторинг жана баалоо жүргүзүү системасын уюштуруу маселелери боюнча сунуштарды иштеп чыгат.

Кыргыз Республикасынын Конституциясынын, Кыргыз Республикасынын мыйзамдарынын, Кыргыз Республикасынын Өкмөтүнүн токтомдорунун жана буйруктарынын, Кыргыз Республикасынын башка ченемдик укуктук актыларынын аткаруу бийлигинин органдары тарабынан тейлеген чөйрөлөрүндө аткарылышын координациялайт, инспекциялайт, мониторингдейт жана талдоо жүргүзөт.

Кыргыз Республикасынын Өкмөтүнө келген ченемдик укуктук актылардын долбоорлоруна жана Кыргыз Республикасынын Өкмөтүнүн чечимдерин кабыл алуу талап кылынган башка документтерге эксперттик корутундуларды даярдоону камсыз кылат.

Кыргыз Республикасынын Өкмөтүнүн токтомдорунун жана буйруктарынын жоболорун расмий чечмелөө (түшүндүрүү) жөнүндө чечимдердин долбоорлорун даярдоону камсыз кылат.

Тейлеген чөйрөлөрүндөгү ченемдик укуктук актылардын жана башка документтердин долбоорлору, ошондой эле аналитикалык жана маалымдама материалдар боюнча сунуштарды Кыргыз Республикасынын Премьер-министрине, Кыргыз Республикасынын вице-премьер-министрлерине, Кыргыз Республикасынын Өкмөтүнүн Аппаратынын жетекчилигине даярдайт.

Тейлеген чөйрөлөрүндөгү Кыргыз Республикасынын мыйзамдарынын, стратегиялардын жана программалардын, Кыргыз Республикасынын Жогорку Кеңешинин токтомдорунун, Кыргыз Республикасынын Президентинин жарлыктарынын, буйруктарынын аткарылышынын жүрүшү жөнүндө Кыргыз Республикасынын Премьер-министрине маалымат даярдайт.

Кыргыз Республикасынын Өкмөтүнүн Аппарат жетекчисинин милдеттерин ал жок учурда аткарат.

Тейлеген түзүмдүк бөлүмдөрүнүн иш пландарын жана отчетторун карайт жана бекитет.

Кыргыз Республикасынын Өкмөтүнүн Аппарат жетекчисинин биринчи орун басары төмөнкү түзүмдүк бөлүмдөрдүн ишин координациялайт:

- мамлекеттик башкаруу бөлүгүндө – мамлекеттик башкаруу жана кадрдык иштер бөлүмүн;

- жер казынасын пайдалануу бөлүгүндө – өнөр жай, отун-энергетикалык комплекс жана кен пайдалануу бөлүмүн;

- экспертиза жана укуктук камсыздоо бөлүмүн;

- агроөнөр жай комплекси жана экология бөлүмүн;

- регламент жана иш кагаздарын жүргүзүү бөлүмүн;

- Кыргыз Республикасынын Өкмөтүнүн чек ара маселелери боюнча атайын өкүлүнүн секретариатын;

- аналитикалык камсыздоо тобун.

(КР Өкмөтүнүн Аппарат жетекчиси – министринин 2016-жылдын 30-майындагы № 101 буйругунун редакциясына ылайык)