Өкмөттүн Ысык-Көл облусундагы ыйгарым укуктуу өкүлү

ОСМОНАЛИЕВ Акылбек Шарипович

1964-жылы 10-августта Кыргыз Республикасынын Ош облусуна караштуу Ноокат районунда төрөлгөн.

1988-жылы К.И. Скрябин атындагы Кыргыз айыл чарба институтунун зоотехния адистигин бүтүргөн.

1997-жылы Кыргыз мамлекеттик улуттук университетинин юриспруденция адистигин бүтүргөн.

1981-жылдын 1-июлунан 1983-жылдын августуна чейин Ош облусунун Ноокат районундагы №44 ат заводунда катардагы жумушчу, 1988-жылдын июлунан 1989-жылдын августуна чейин зоотехник болуп иштеген.

1989-жылдын августунан 1992-жылдын апрелине чейин Ноокат агроөнөр жай бирикмесинде башкы адис болуп дайындалган.

1992-жылдын апрелинен 1994-жылдын мартына чейин Ноокат райондук мамлекеттик администрациясынын аппаратынын референти болуп эмгектенген.

1994-жылдын мартынан 1995-жылдын майына чейин №44 ат заводунун директорунун орун басары болуп иштеген.

1995-жылдын майынан 1996-жылдын августуна чейин “Алике” дыйкан чарбасынын жетекчиси болуп эмгектенген.

1996-жылдын августунан тартып Кыргыз Республикасынын Жогорку Кеңешинин Эл өкүлдөр жыйынынын Аппаратынын Агрардык маселелер боюнча комитетинин 1-категориядагы адиси, 1997-жылдын май айынан тартып референти, 1999-жылдын январынан декабрына чейин эксперти болуп дайындалган.

1999-жылдан 2000-жылдын апрелине чейин Кыргыз Республикасынын Айыл жана суу чарба министрлигинин Мал чарбасынын продукцияларын өндүрүүнү өркүндөтүү жана маркетинг департаментинин начальниги болуп иштеген.

2000-жылдын апрелинен тартып Кыргыз Республикасынын Жогорку Кеңешинин Эл өкүлдөр жыйынынын Төрагасынын орун басарынын жардамчысы болуп дайындалган.

2004-жылдын майынан 2005-жылдын апрелине чейин Кыргыз Республикасынын Премьер-министринин Аппаратынын Мамлекеттик жана муниципалдык кызмат башкармалыгынын уюштуруу иштери боюнча инспектору болуп иштеген.

2005-жылдын апрелинен 2006-жылдын июнуна чейин Кыргыз Республикасынын Жогорку Кеңешинин Агроөнөр жай комплекси жана экология боюнча комитетинин, Жер пайдалануу боюнча комиссиянын ишмердигин камсыз кылуу боюнча бөлүмдүн башчысынын орун басары  болуп эмгектенген.

2006-жылдын июнунан 2009-жылдын январына чейин Кыргыз Республикасынын Президентинин Администрациясынын Экономикалык жана социалдык саясат секторунун эксперти болуп иштеген.

2009-жылдын январынан тартып Кыргыз Республикасынын Улуттук статистика комитетинин төрагасынын орун басары болуп дайындалган.

2012-жылдын февраль айынан 2016-жылдын апрелге  чейин Кыргыз Республикасынын Улуттук статистика комитетинин төрагасы болуп эмгектенип келүүдө.

2016-жылдын апрель айынан тартып Кыргыз Республикасынын Өкмөтүнүн Аппарат жетекчиси – министр болуп дайындалган