АЙДАРБЕКОВ Айбек Акматбекович

Айдарбеков  Айбек Акматбекович, 1978-жылы Жалал-Абад шаарында туулган.

1995-жылы Т. Мавлянов атындагы орто мектебин алтын медаль менен аяктаган.

Жогорку билимдүү. 1999-жылы Кыргызстандын Эл аралык университетинин Дипломатиянын жана эл аралык укуктун жогорку мектебин аяктаган. Эл аралык укуктун магистри.

2013-жылы Кыргыз Республикасынын Президентине караштуу Мамлекеттик башкаруу академиясынын «мамлекеттик башкаруу» адистиги боюнча магистратурасын аяктаган.

2006-жылы жарандык авиация боюнча «Учууларды камсыз кылуу» жана 2007-жылы  «Авиатранспорт маркетинги» курстарын «Авиабизнес» жогорку коммерциялык мектеби» (Москва ш., Россия), ошондой эле 2011-жылы англис тили курсун (Дели ш., Индия) өткөн.

Эмгек жолун 1999-жылы И.Арабаев атындагы Кыргыз мамлекеттик педагогикалык университетинин Чыгыш тилдери жана маданияты институтунун тышкы байланыш бөлүмүнүн инспектору катары баштаган.

1999-2006-жылдары И.Арабаев атындагы Кыргыз мамлекеттик педагогикалык университетинин Чыгыш тилдери жана маданияты институтунун тышкы байланыш бөлүмүнүн инспектору жана башчысы, андан кийин директордун маданий-массалык иштер боюнча орун басары болуп иштеген.

2006-2010-жылдары «Эсен Эйр» авиакомпаниясынын аткаруучу директору болуп иштеген.

2010-2012-жылдары Кыргыз Республикасынын Транспорт жана коммуникациялар министрлигинин автомобиль жана темир жол транспорту башкармалыгынын адиси жана тышкы байланыш башкармалыгынын башкы адиси болуп иштеген.

2012-жылдын декабрынын – 2015-жылдын мартына чейин Кыргыз Республикасынын Өкмөтүнүн Аппаратынын эл аралык кызматташтык бөлүмүнүн эксперти болуп иштеген.

2015-жылдын апрелинен – 2016-жылдын мартына чейин Кыргыз Республикасынын Өкмөтүнүн Аппаратынын эл аралык кызматташтык бөлүмүнүн башчысынын орун басары болуп иштеген.

2016-жылдын апрелинен бери Кыргыз Республикасынын Өкмөтүнүн Аппаратынын эл аралык кызматташтык бөлүмүнүн башчысы болуп иштеп жатат.

Англис тилин билет.

Азыркы учурда «Мамлекеттик кызматтын 1-класстагы кеңешчиси» класстык чинине жана «Экинчи секретарь» дипломатиялык  рангына ээ.