Кыргыз Республикасынын санариптик технологиялар чөйрөсүнүн кызматкерлеринин күнүн белгилөө жөнүндө

Санариптештирүү жана маалыматтык технологиялар чөйрөсүнүн кызматкерлеринин Кыргыз Республикасын социалдык-экономикалык өнүктүрүүдөгү ролун жана салымын институттук таанууну колдоо максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат: 

1. 4-апрель жыл сайын белгиленүүчү Кыргыз Республикасынын санариптик технологиялар чөйрөсүнүн кызматкерлеринин күнү болуп белгиленсин. 

2. Бул токтом расмий жарыяланган күндөн тартып күчүнө кирет.

Кыргыз Республикасынын

Министрлер Кабинетинин

Төрагасы                                                                   А.А. Касымалиев