Бишкек шаарынын кызматкерлеринин айрым категориялары үчүн 2026-жылдын 1-сентябрын дем алыш күнү деп белгилөө жөнүндө

Шанхай кызматташтык уюмуна мүчө мамлекеттердин башчыларынын катышуусу менен иш-чараларды өткөрүү мезгилинде иранспорттук инфраструктуранын жүктөмүн азайтуу жана камсыз кылуу максатында, Кыргыз Республикасынын

Президентинин 2026-жылдын 10-июлундагы № 253 «Кыргыз

Республикасынын айрым аймактарында кошумча дем алыш күндөрдү белгилөө маселесин убактылуу укуктук жөнгө салууну киргизүү

жөнүндө» Жарлыгына, «Кыргыз Республикасынын Министрлер

Кабинети жөнүндө» Кыргыз Республикасынын конституциялык

Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Бишкек шаарынын мамлекеттик бюджеттен каржылануучу

мамлекеттик жана муниципалдык уюмдарынын, мекемелеринин жана ишканаларынын кызматкерлери үчүн 2026-жылдын 1-сентябры дем алыш күнү деп белгиленсин.

2. Төмөнкүлөр белгиленсин:

– аталган дем алыш күнү кызматкерлердин бир күндүк орточо жмгек акысы сакталат деп;

– үзгүлтүксүз өндүрүштүк циклдеги мекемелердин

кызматкерлерине эмгек акы төлөө Кыргыз Республикасынын Эмгек кодексине ылайык жүргүзүлөт деп.

3. Бишкек шаарындагы жеке менчик формасындагы юридикалык жактардын жетекчилерине ушул токтомдун 2-пунктуна ылайык

кызматкерлерге бир күндүк орточо эмгек акысын сактоо менен 2026-жылдын 1-сентябрында дем алыш күнүн берүү сунушталсын.

4. Бул токтом расмий жарыяланууга тийиш жана 2026-жылдын 15-июлунан тартып күчүнө кирет.

Кыргыз Республикасынын

Министрлер Кабинетинин

Төрагасы А.А. Касымалиев