“Ак-Тилек ” автожол өткөрмө пунктунда Кыргыз Республикасынын Министрлер Кабинетинин Төрагасынын биринчи орун басары Адылбек Касымалиев менен Казакстан Республикасынын Премьер-министринин орун басары – соода жана интеграция министри Серик Жумангариндин жолугушуусу болуп өттү.

Эки өлкөнүн өкмөт башчыларынын орун басарлары кыргыз-казак мамлекеттик чек арасындагы “Ак-Тилек” – автожол бекетинин иши жана өнөр жай соода-логистикалык комплекси курула турган жер менен таанышты.

 Тараптар “Ак-Тилек” жана “Карасу” автожол өткөрмө пункттарынын аймагында биргелешкен кыргыз-казак өнөр жай-соода-логистикалык комплексин куруу долбоорун ишке ашыруу боюнча тиешелүү иштерди жүргүзүүдө.

Белгилей кетсек, бүгүн Бишкекте соода-экономикалык кызматташуу боюнча кыргыз-казак өкмөттөр аралык жумушчу тобунун экинчи жыйыны өтөт.