Министрлер Кабинетинин Төрагасынын орун басары Эдил Байсалов Кыргыз Республикасынын Министрлер Кабинетине караштуу Адам укуктары боюнча координациялык кеңештин кезектеги кеңешмесин өткөрдү.

Жыйындын жүрүшүндө Координациялык кеңештин 2022-жылга жылдык отчету, ошондой эле адам укуктарын сактоонун актуалдуу маселелери каралды.

Адам укуктары боюнча координациялык кеңештин мүчөлөрү үстүбүздөгү жылдын отчетун эске алып, Координациялык кеңештин 2023-жылга иш планын бекитти. Иш планда 16 иш-чара камтылган.

Министрлер Кабинетинин башчысынын орун басары Эдил Байсалов мамлекеттик органдарга бир катар тапшырмаларды берди.