На русском English

06

Май

2019

Кара-Кулжа районунда өндүрүлгөн тоо балы эми Европа рыногун багындырат

Скачать фотогалерею

Кара- Кулжа районунун Алайку зонасындагы Капчыгай айыл аймагында бал таңгактоочу ишкана ачылды. Ал жылына 500 тонна экспортойт. 

Ишкана жергиликтүү жеке ишкер Эмил Сыдыков тарабынан 2019-жылы курулуп, 3миллион 700 миң сом каржыланган. 

Ишкер Өкмөттүн өкүлү Узарбек Жылкыбаевге Президенттин “ Аймактарды өнүктүрүү жана санариптештирүү жылын “ жарыялоо жарлыгынын алкагында айылдарда ачылган ишканалар салыктын 5 түрүнөн бошотулганы ишкерге стимул жана чоң колдоо болгонун билдирди. 

Айылдык студенттер алып барган бал Японияда чоң суракка ээ болуп, алар буйрутма менен алып кетип жатканын көргөн Эмил Сыдыковго тоо балын бренд жасоо идеясы келип, жеңилдетилген насыя алып, ишкана курган. Учурда “ Капчыгай тоо балы” Кытайга, Казакстанга, Японияга экспорттолууда. Эми Европа рыногуна чыгуу максатын коюшкан.

Узарбек Жылкыбаев: « Эл аралык рынокко чыгуу үчүн натуралдык азык деген сапатты сактоо зарыл. Мындан сырткары, тийиштүү көлөм чыгуу үчүн ирилешип, ассоциация же фермердик чарбаларды түзүүнү колго алуу керек” деп белгиледи. 

Жергиликтүү калк өндүргөн балды жогорку баада жеринен сатуу аларга кирешелүү болгонун айтып кубанышууда.

  КР дин Өкмөтүнүн Ош облусундагы ыйгарым укуктуу өкүлүнүн маалымат кызматы