Кыргыз Республикасынын Премьер-министри Сооронбай Жээнбеков кыргызстандыктарды Рамазан айы менен куттуктады

Төмөндө куттуктоонун тексти:

«Урматтуу мекендештер!

Сиздерди кирип келген ыйык Рамазан айы менен чын жүрөктөн куттуктайм.

Бардык мусулмандар үчүн Орозо айы – мээримдүүлүктүн жана кайрымдуулуктун, руханий тазалануунун жана сабырдуулуктун айы. Ар бир мусулман аткарган парзы менен адамзатты бирин-бири урматтоого, ишенимде жана биримдикте  жашоого үндөйт.

Аруу тилек менен күткөн ыйык Орозо айы ар бир үй-бүлөгө жакшылык жана бейпилдик, куттуу кыргыз жерине тынчтык жана береке алып келсин.

Бардык мекендештерибизге бекем ден соолук каалайм. Орозодо ниет кылган жакшы тилектердин баары орундалсын.

Кыргыз Республикасынын

Премьер-министри                                            С. Жээнбеков»

Кыргыз Республикасынын Өкмөтүнүн

Маалыматтык камсыздоо бөлүмү