Бул тууралуу Кыргыз Республикасынын Премьер-министри Темир Сариев бүгүн, 31-мартта Жогорку Кеңештин жыйынына билдирди. Премьер-министр Темир Сариев Өкмөт  тарабынан өндүрүштү жандантуу жана кайра иштетүү тармагын өнүктүрүүгө жигердүү аракеттер көрүлүп жатканын айтып өттү. Темир Сариев Орус-кыргыз Өнүктүрүү фондунун жаңы концепциясы иштелип чыгып, ишкерлердин финансылык ресурстарга жеткиликтүүлүгүн камсыз кылууну жакшыртуу жаатында иштер күчөтүлөрүн маалымдады. Ага ылайык, Орус- кыргыз Өнүктүрүү фонду 1 млн  долларлык долбоорлорду каржылайт. "Банктар аркылуу 5% менен доллар түрүндө, ал фонд аркылуу 4% менен доллар түрүндө, 12% сом түрүндө насыялар берилет"-деди Темир Сариев.   Бул каражаттардын аныкталган тармактарга максаттуу берилип, эффективдүү пайдаланууга өзгөчө маани берилерин өкмөт башчы  кошумчалады.

 Кыргыз Республикасынын Өкмөтүнүн

Аппаратынын маалыматтык камсыздоо бөлүмү