Бүгүн, 12 февралда,  Кыргыз  Республикасынын  Вице-премьер-министри Токон Мамытов  БУУнун баш катчысынын атайын өкүлү, Борбордук Азия үчүн алдын ала эскертүүчү дипломатия боюнча  БУУнун  аймактык  борборунун башчысы Мирослав Енча менен жолугушту.

Жолугушуунун  жүрүшүндө тараптар   БУУнун  Коопсуздук  кеңешинин  №1325 «Дүйнөдө  коопсуздукту камсыздоодо  аялзатынын ролу» резолюциясын   талкуулашты.

Токон  Мамытов  Кыргыз Республикасынын  Өкмөтү   №1325-  резолюциясынын  мерчемин  аткаруу   үчүн  керектүү чараларды  көрүп жаткандыгын белгиледи.

«Биз сиздерге   көрсөткөн бөлүмдөрдү  ишке ашыруу  үчүн ,  БУУ дараметин  Кыргызстан тарапка тартуу мүмкүнчүлүгүн карап берүү сунушу менен кайрылабыз», -  деди ал.

Ошондой эле жолугушууда  терроризмге  каршы  аракеттердин  алкагында  кызматташуу жана  Кыргызстандын аймагында жайгашкан  уран калдыктары  туурасында  маселелер каралды.

КР Өкмөтүнүн Аппаратынын

Маалыматтык камсыздоо бөлүмү