Эртең, 17-декабрда, Бишкекте соода-экономикалык, илимий-техникалык жана гуманитардык кызматташтык боюнча кыргыз-орус Өкмөттөр аралык комиссиясынын 16-кеңешмеси өз ишин баштайт.

Белгилей кетсек, кыргыз-орус Өкмөттөр аралык комиссиясынын тең төрагасы, Кыргызстан тараптан Премьер-министр Жантөрө Сатыбалдиев жана Орусия тараптан Федералдык бажы кызматынын жетекчиси Андрей Бельянинов.

Кеңешменин жүрүшүндө отун-энергетика комплексинде, мунай-газ өндүрүшүндө, өнөр жай тармагында, унаа, миграция, саламаттык сактоо, маданият, билим берүү жана илим тармактарындагы кызматташтык боюнча маселелер каралат.

Иш-чаранын жыйынтыгы менен соода-экономикалык, илимий-техникалык жана гуманитардык кызматташтык боюнча кыргыз-орус Өкмөттөр аралык комиссиясынын 16-кеңешмесинин Протоколуна кол коюлат.

КР Өкмөтүнүн Аппаратынын

Маалыматтык камсыздоо бөлүмү