Январь-ноябрь  айларынын аралыгында көмүр казып алуу тармагында алынган продукциянын көлөмү 1533,8 млн. сом (119,7%) болуп, 1226,4 миң тонна көмүр же 2012-жылга салыштырмалуу 124,2% түздү.

Түндүк аймак боюнча бул көрсөткүч 325,4 миң тонна же 2012-жылга салыштырмалуу 124,3%, түштүк аймак боюнча 901 миң тонна же 124,5%.

2012-жылдагы казылып алынган көмүрдүн көлөмүнө салыштырмалуу облустар боюнча көмүр казып алуу төмөндөгүдөй мүнөздө:

-          Нарын – 324,5 миң тонна, 75,9 миң тоннага көп (130,6%);

-          Баткен - 182,1  миң тонна, 13,3 миң тоннага көп (107,9%);

-           Ош -  572  миң тонна, 120,5 миң тоннага көп (126,7%);

-          Жалал-Абад - 147 миң тонна, 43,7 миң тоннага көп (142,3%).

Республика боюнча көмүр казып алуу 2012-жылга салыштырмалуу 239,2 миң тоннага жогору же 124,2%.

12 айдын ичинде бул көрсөткүч 1364,6 миң тоннаны түзүп (121,8%) наркы 1688,2 млн. сом (115,6%) болоору күтүлүүдө.

Белгилей кетсек, 2013-жылдагы көрсөткүч 1100 миң тонна же 1546,110 млн. сомго барабар болуп, 264,6 миң тоннага ашык болоору күтүлүүдө.

КР Өкмөтүнүн Аппаратынын

Маалыматтык камсыздоо бөлүмү