Жолугушуунун жүрүшүндө эки мамлекет ортосундагы соода-экономикалык, маданий-гуманитардык байланыштарды өнүктүрүү жана чыңдоо маселелери талкууланды.

Жантөрө Сатыбалдиев Сауд Аравиясынын ишкерлерин өлкөнүн айыл чарбасына, туризмге жана энергетика тармагына капитал салууга чакырды.

Премьер-министр эки тараптуу кызматташтыкты кеңейтүү максатында жигердүү тажрыйба алмашуу керек экендигин айтты. “Кыргызстан Араб Экономика форумунун алкагында: Араб мамлекеттеринин Лигасы, борбордук Азия жана Азербайжан жана башка мамлекеттер аралык экономикалык кызматташтыкты кеңейтүүгө кызыктар”, - деди Премьер-министр.

Өз кезегинде Халед бин Сауд бин Халед Аль Сауд Кыргызстандын туруктуу өнүгүүсү үчүн анын экономикасына инвестиция тартууга даяр экендигин билдирди.

“Келечекте алгылыктуу долбоорлор бизди күтүп турат”, - деди ал.

КР Өкмөтүнүн Аппаратынын

Маалыматтык камсыздоо бөлүмү