Жалал-Абад шаардык мэриянын муниципалдык менчигине объекттерди өткөрүп берүү жөнүндө
Кыргыз Республикасынын “Кыргыз Республикасынын Өкмөтү жөнүндө” конституциялык мыйзамынын 10 жана 17-статьяларына жана “Мүлккө муниципалдык менчик жөнүндө” Кыргыз Республикасынын Мыйзамына ылайык, Жалал-Абад шаардык кеңешинин макулдугун көңүлгө алуу менен мамлекеттештирилген жана конфискацияланган мүлктөрдү эффективдүү пайдалануу максатында Кыргыз Республикасынын Өкмөтү токтом кылат:
- Кыргыз Республикасынын Өкмөтүнө караштуу Мамлекеттик мүлктү башкаруу боюнча фонду белгиленген тартипте аянты 33198,0 кв.м. жер участогун жана анда турган турак-жай эмес жайлар, дареги: Жалал-Абад шаары, Курманбек көчөсү 8 жана көп батирлүү үй дареги: Жалал-Абад шаары, З. Жамашов көчөсү боюнча жайгашкан мүлктөрдү Жалал-Абад шаардык мэриянын муниципалдык менчигине өткөрүп берсин.
- Жалал-Абад шаардык мэриясына сунушталсын:
- ушул токтомдун 1-пунктунда көрсөтүлгөн объекттерди муниципалдык менчикке кабыл алуу;
- ушул токтомдун 1-пунктунда көрсөтүлгөн объекттердин сакталуусун жана максаттуу багыты боюнча колдонуу, шаардын жергиликтүү бюджетинин каражаттарын эсебинен каржылоону камсыздоо;
- ушул токтомдун 1-пунктунда көрсөтүлгөн объекттерди белгиленген тартипте кайра мамлекеттик каттоодон өткөрүү.
3. Ушул токтом расмий жарыяланган күндөн тартып он күн өткөндөн кийин күчүнө кирет.
4. Ушул токтомдун 1-пункттун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө, 2-пункт – уюштуруу-инспектордук иштер жана жергиликтүү өз алдынча башкаруу бөлүмүнө жүктөлсүн.
Премьер-министр С.Ш.Жээнбеков