2016-жылдын 22-апрелинде Москва шаарында кол коюлган Евразия экономикалык бирлигинин алкагында газдын, мунайдын жана мунай продуктуларынын индикативдик (болжолдуу) баланстарын түзүү методологиясы жөнүндө макулдашууну бекитүү тууралуу

Мамлекет ичиндеги жол-жоболорду аткаруу максатында, «Кыргыз Республикасынын эл аралык келишимдери жөнүндө» Кыргыз Республикасынын Мыйзамынын 18-беренесине ылайык Кыргыз Республикасынын Өкмөтү токтом кылат:

1. 2016-жылдын 22-апрелинде Москва шаарында кол коюлган Евразия экономикалык бирлигинин алкагында газдын, мунайдын жана мунай продуктуларынын индикативдик (болжолдуу) баланстарын түзүү методологиясы жөнүндө макулдашуу бекитилсин.
2. Кыргыз Республикасынын Тышкы иштер министрлиги жогоруда аталган Макулдашуунун күчүнө кириши үчүн зарыл болгон мамлекет ичиндеги жол-жоболорду Кыргыз Республикасынын аткаргандыгы тууралуу Евразия экономикалык комиссиясына билдирсин.
3. Ушул токтом расмий жарыяланган күндөн он күн өткөндөн кийин күчүнө кирет.

 Премьер-министр                                                               С.Ш.Жээнбеков