Мамлекеттик кызматчылардын жалпы жүрүм-турум эрежелерине таянып, ошондой эле жайкы мезгилдеги температуралык режимди көңүлгө алуу менен:
- Кыргыз Республикасынын мамлекеттик жарандык кызматчыларынын жана муниципалдык кызматчыларынын кийимине карата жайкы мезгилде расмий протоколдук иш-чараларга катышуудан сырткары, костюмду (пиджак, жакет) милдеттүү түрдө кийбестен жеңилдетилген талаптарды колдонуу максатка ылайык деп эсептелсин.
- Кыргыз Республикасынын Өкмөтүнүн Аппарат жетекчиси - министр Кыргыз Республикасынын Өкмөтүнүн Аппаратынын жана Кыргыз Республикасынын Президентинин жана Өкмөтүнүн Иш башкармасынын мамлекеттик кызматчысынын сырткы түрү (дресс-коду) жөнүндө жобого тиешелүү өзгөртүүлөрдү киргизсин.
- Кыргыз Республикасынын аткаруу бийлигинин мамлекеттик органдарынын жетекчилери ушул буйрукка ылайык чечимдерди кабыл алышсын.
- Жергиликтүү өз алдынча башкаруунун аткаруучу органдарынын жетекчилерине ушул сыяктуу чечимдерди кабыл алуу сунушталсын.
Премьер-министр С.Ш.Жээнбеков