«Стрельникова атындагы мамлекеттик асыл  тукум заводу» мамлекеттик мекемесинин  мүлкүн  Чүй облусунун Аламүдүн районундагы  Арашан айыл өкмөтүнүн муниципалдык менчигине  өткөрүп берүү жөнүндө 

«Стрельникова атындагы мамлекеттик асыл тукум заводу» мамлекеттик мекемесинин андан ары иштөөсүнүн максатка ылайыксыздыгына байланыштуу, Кыргыз Республикасынын Граждандык кодексинин 96-беренесине, «Кыргыз Республикасынын Өкмөтү жөнүндө»  Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:   

1.  Кыргыз Республикасынын Айыл чарба жана мелиорация министрлиги белгиленген тартипте: 

- «Стрельникова атындагы мамлекеттик асыл тукум заводу» мамлекеттик  мекемесин жойсун;

 - жоюу комиссиясын түзсүн жана «Стрельникова атындагы мамлекеттик асыл  тукум заводу» мамлекеттик мекемесинин жоюлушу менен байланышкан чараларды көрсүн. 

2. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд «Стрельникова атындагы мамлекеттик асыл тукум заводу» мамлекеттик мекемесин жоюунун жыйынтыгы боюнча анын мүлкүн белгиленген тартипте ушул токтомдун тиркемесинде  көрсөтүлгөн тизмекке ылайык Чүй облусунун Аламүдүн  районундагы Арашан айыл өкмөтүнүн муниципалдык менчигине өткөрүп берсин. 

3. Чүй облусунун Аламүдүн  районундагы  Арашан айыл өкмөтүнө белгиленген тартипте төмөнкүлөр сунушталсын: 

- ушул токтомдун 2-пунктунда көрсөтүлгөн мүлктү муниципалдык менчикке  кабыл алуу; 

- Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд менен бирге өткөрүлүп берилүүчү мүлктүн өткөрүп берүү актысын бекитүү.

 4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөр жай комплекси  жана экология бөлүмүнө жүктөлсүн.

 5. Ушул токтом расмий жарыяланган күндөн жети күн өткөндөн кийин күчүнө кирет.       

Премьер-министр                                                            Т.А.Сариев
 

Тиркеме

«Стрельникова атындагы мамлекеттик асыл  тукум заводу» мамлекеттик мекемесинин балансынан Чүй облусунун Аламүдүн районундагы Арашан айыл өкмөтүнүн муниципалдык менчигине  өткөрүлүп  берилүүчү мамлекеттик мүлктүн   

 тизмеги