КР Өкмөтүнүн 2019-жылдын 3-июнундагы № 275 токтому

“Манас” жана Чынгыз Айтматов улуттук академиясы”  мамлекеттик мекемесин түзүү жөнүндө

Кыргыз Республикасынын Президентинин 2019-жылдын  31-январындагы № 18 “Манас” жана Чыңгыз Айтматов улуттук академиясы жөнүндө” Жарлыгын ишке ашыруу максатында,  “Манас” эпосу жөнүндө” Кыргыз Республикасынын Мыйзамынын 4-беренесине, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. “Манас” жана Чыңгыз Айтматов улуттук академиясы” мамлекеттик мекемеси түзүлсүн.

2. “Манас” жана Чыңгыз Айтматов улуттук академиясы” мамлекеттик мекемесинин жобосу 1-тиркемеге ылайык бекитилсин.

3. Кыргыз Республикасынын Өкмөтүнүн 2011-жылдын 24-майындагы № 239 “Мамлекеттик мекемелерде жана уюмдарда “улуттук” статусу же “академиялык” ардактуу наамы болгону үчүн алардын кызматкерлеринин кызматтык маянасына үстөк акылар жөнүндө” токтомуна төмөнкүдөй өзгөртүү киргизилсин:

жогоруда аталган токтом менен бекитилген “Улуттук” статусу же “академиялык” ардактуу наамы бар мамлекеттик мекемелердин жана уюмдардын тизмеси төмөнкүдөй мазмундагы 31-пункт менен толукталсын:

“31. “Манас” жана Чыңгыз Айтматов улуттук академиясы” мамлекеттик мекемеси”.

4. Кыргыз Республикасынын Өкмөтүнүн 2011-жылдын 22-августундагы № 473 “Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө” токтомуна төмөнкүдөй өзгөртүү киргизилсин:

- жогоруда аталган токтомдун 1-тиркемеси төмөнкүдөй мазмундагы 39-пункт менен толукталсын:

39“Манас” жана Чыңгыз Айтматов улуттук академиясы” мамлекеттик мекемеси27

”.

5. Кыргыз Республикасынын Өкмөтүнүн 2012-жылдын 12-январындагы № 12 “Кыргыз Республикасынын Өкмөтүнө караштуу мамлекеттик башкаруу органдары жана Кыргыз Республикасынын Өкмөтүнүн карамагындагы башка уюмдар жөнүндө” токтомуна төмөнкүдөй өзгөртүү киргизилсин:

- 2-пунктунун “а)” пунктчасы төмөнкүдөй мазмундагы сегизинчи абзац менен толукталсын:

“- “Манас” жана Чыңгыз Айтматов улуттук академиясы” мамлекеттик мекемеси;”.

6. Кыргыз Республикасынын Өкмөтүнүн 2015-жылдын 6-апрелиндеги № 197 “Мамлекеттик кызматчылардын категориясына кирбеген жана мамлекеттик мекемелерде, анын ичинде аткаруучу бийликтин мамлекеттик органдарынын карамагындагы мекемелерде иштеген кызматкерлердин эмгегине акы төлөөнүн шарттары жөнүндө” токтомуна төмөнкүдөй өзгөртүү киргизилсин:

- ушул токтомдун 2 жана 3-тиркемелерине ылайык редакцияда 123 жана 243-тиркемелер менен толукталсын.

7. Кыргыз Республикасынын Өкмөтүнүн 2017-жылдын 4-майындагы № 253 “Кыргыз Республикасынын министрликтеринин, мамлекеттик комитеттеринин, администрациялык ведомстволорунун жана башка мамлекеттик органдарынын техникалык жана тейлөөчү персоналынын штаттык санынын чеги жөнүндө” токтомуна төмөнкүдөй өзгөртүү киргизилсин:

- жогоруда аталган токтомдун 1-тиркемеси төмөнкүдөй мазмундагы   353-пункт менен толукталсын:

353“Манас” жана Чыңгыз Айтматов улуттук академиясы” мамлекеттик мекемеси

8

                                                                                                                    ”.

8. “Манас” жана Чыңгыз Айтматов улуттук академиясы” мамлекеттик мекемеси:

- “Манас” жана Чыңгыз Айтматов улуттук академиясы” мамлекеттик мекемесин юстиция органдарында белгиленген тартипте мамлекеттик каттоодон өткөрсүн;

          - ушул токтомдон келип чыгуучу уюштуруу-техникалык жана башка чараларды көрсүн.        

  9. Кыргыз Республикасынын Финансы министрлиги белгиленген тартипте Кыргыз Республикасынын Жогорку Кеңешинин Бюджет жана финансы боюнча комитетинин макулдугу менен:   

   - 2019-жылы “Манас” жана Чыңгыз Айтматов улуттук академиясы” мамлекеттик мекемесинин ишин каржылоого акча каражатын карасын жана каржыласын;  

   - “Кыргыз Республикасынын 2019-жылга республикалык бюджети жана 2020-2021-жылдарга болжолу жөнүндө” Кыргыз Республикасынын Мыйзамына өзгөртүүлөрдү киргизүү тууралуу” мыйзамдын долбоорун даярдоодо тиешелүү өзгөртүүлөрдү киргизүүнү карасын.

10. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд Кыргыз Республикасынын Президентинин жана Өкмөтүнүн Иш башкармасы менен биргеликте Бишкек шаары, Раззаков көч., 8/1 жана Раззаков көч., 8/2 дареги боюнча жайгашкан мамлекеттик имараттарды “Манас” жана Чыңгыз Айтматов улуттук академиясы” мамлекеттик мекемесине ыкчам башкаруусуна белгиленген тартипте өткөрүп берсин.

11. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө, финансы жана кредит саясаты бөлүмүнө жүктөлсүн.

12. Ушул токтом расмий жарыяланган күндөн тартып жети күн өткөндөн кийин күчүнө кирет.

 Премьер-министр                                                             М.Д.Абылгазиев

тиркеме

Электрондук регион

Календарь