ыргыз Республикасынын Өкмөтүнүн 2012-жылдын

25-декабрындагы № 855 “Мамлекеттик кызматчынын, ошондой эле анын жакын туугандарынын кирешелери, мүлкү жана милдеттенмелери жөнүндө маалыматтарды декларациялоо, жарыялоо жана талдоо маселелери тууралуу” токтомуна өзгөртүүлөрдү жана толуктоолорду киргизүү жөнүндө

    Кыргыз Республикасынын Өкмөтүнүн чечимдерин “Саясий, атайын мамлекеттик жана муниципалдык саясий кызмат орундарын ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” Кыргыз Республикасынын Мыйзамына ылайык келтирүү максатында Кыргыз Республикасынын Өкмөтү токтом кылат:   1. Кыргыз Республикасынын Өкмөтүнүн 2012-жылдын                     25-декабрындагы № 855 “Мамлекеттик кызматчынын, ошондой эле анын жакын туугандарынын кирешелери, мүлкү жана милдеттенмелери жөнүндө маалыматтарды декларациялоо, жарыялоо жана талдоо маселелери тууралуу” токтомуна төмөнкүдөй өзгөртүүлөр жана толуктоолор киргизилсин: - аталышы төмөнкүдөй редакцияда баяндалсын: “Мамлекеттик жана муниципалдык кызматчылардын кирешелерин, чыгымдарын, милдеттенмелерин жана мүлкүн декларациялоо маселелери жөнүндө”; - преамбуладагы “Саясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу” деген сөздөр “Саясий, атайын мамлекеттик жана муниципалдык саясий кызмат орундарын ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” деген сөздөр менен алмаштырылсын; - 1-пункт төмөнкүдөй редакцияда баяндалсын: “1. Төмөнкүлөр бекитилсин: - Мамлекеттик жана муниципалдык кызматчылардын кирешелерин, чыгымдарын, милдеттенмелерин жана мүлкүн декларациялоо тартиби жөнүндө жобо 1-тиркемеге ылайык; - мамлекеттик жана муниципалдык кызматчылардын кирешелери, чыгымдары, милдеттенмелери жана мүлкү жөнүндө декларациянын бланкы 2-тиркемеге ылайык; - Мамлекеттик жана муниципалдык кызматчылардын кирешелери, чыгымдары, милдеттенмелери жана мүлкү жөнүндө декларацияда көрсөтүлгөн маалыматтардын тууралыгына жана толуктугуна талдоо жүргүзүү тартиби тууралуу жобо 3-тиркемеге ылайык.”; жогоруда аталган токтом менен бекитилген Мамлекеттик кызматчылардын, ошондой эле анын жакын туугандарынын кирешелери, мүлкү жана милдеттенмелери жөнүндө маалыматтарды декларациялоо жана жарыялоо тартиби тууралуу жободо: - аталышы төмөнкүдөй редакцияда баяндалсын: “Мамлекеттик жана муниципалдык кызматчылардын кирешелерин, чыгымдарын, милдеттенмелерин жана мүлкүн декларациялоо тартиби жөнүндө жобо”; - преамбула төмөнкүдөй редакцияда баяндалсын: “Ушул Жобо мамлекеттик жана муниципалдык кызматчынын, ошондой эле анын жакын туугандарынын кирешелери, чыгымдары, милдеттенмелери жана мүлкү жөнүндө декларацияларды берүү шартын жана мөөнөттөрүн, эсепке алуу жана сактоо тартибин жана андагы камтылган маалыматтарды жарыялоону аныктайт.”; - бүткүл текст боюнча “Cаясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу” деген сөздөр “Саясий, атайын мамлекеттик жана муниципалдык саясий кызматтарды ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” деген сөздөр менен алмаштырылсын; - 1-пункт төмөнкүдөй редакцияда баяндалсын: “1. Ушул Жобонун күчү “Мамлекеттик кызмат жөнүндө” жана “Саясий, атайын мамлекеттик жана муниципалдык саясий кызматтарды ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” Кыргыз Республикасынын мыйзамдарында көрсөтүлгөн мамлекеттик жана муниципалдык кызматчыларга (мындан ары - декларант) жайылтылат.”; - 2-пункттун биринчи абзацы төмөнкүдөй редакцияда баяндалсын: “2. Мамлекеттик жана муниципалдык кызматчылардын кирешелери, чыгымдары, милдеттенмелери жана мүлкү жөнүндө декларация (мындан ары - декларация) төмөнкүдөй мөөнөттөрдө берилет:”; - 3-главанын аталышы “кирешелер,” деген сөздөн кийин “чыгымдар,” деген сөз менен толукталсын; - 10-пункт “аларга жана алардын жакын туугандарына таандык кирешелер,” деген сөздөрдөн кийин “чыгымдар,” деген сөз менен толукталсын; - 13-пункт төмөнкүдөй редакцияда баяндалсын: “13. Декларанттын жакын туугандарынын жана багуусундагы адамдардын мүлкү, кирешелери жана чыгымдары жок болсо, декларациянын бланкынын VI, VI-А, VII-A, VII-Б, VIII жана IX бөлүмдөрү толтурулбайт.”; - 14-пункттун экинчи абзацындагы “кирешелерди жана мүлктү атайылап жашырган” деген сөздөр “кирешелерди, мүлктү жана чыгымдарды атайылап жашырган” деген сөздөр менен алмаштырылсын; - 17-пункт төмөнкүдөй редакцияда баяндалсын: “17. Ыйгарым укуктуу мамлекеттик орган юридикалык жана жеке жактардын суроо-талабы боюнча мамлекеттик жана муниципалдык кызматчынын декларациясында камтылган кирешелер, чыгымдар, мүлк жана милдеттенмелер жөнүндө топтомо маалыматты берет.”; - 20-пункттагы: биринчи абзац “кирешелери,” деген сөздөн кийин “чыгымдар,” деген сөз менен толукталсын; 1-пунктча “кирешенин” деген сөздөн кийин “жана чыгымдардын” деген сөздөр менен толукталсын; 3-пунктчанын экинчи абзацы “көлөмү” деген сөздүн алдында “кыймылдаткычынын” деген сөз менен толукталсын; - 25-пункт “мамлекеттик” деген сөздөн кийин “жана муниципалдык” деген сөздөр менен толукталсын; жогоруда аталган токтом менен бекитилген мамлекеттик кызматчылардын, ошондой эле алардын жакын туугандарынын кирешелери, милдеттенмелери жана мүлкү жөнүндө декларациянын бланкында: - аталышы төмөнкүдөй редакцияда баяндалсын: “Мамлекеттик жана муниципалдык кызматчылардын кирешелери, чыгымдары, мүлкү жана милдеттенмелери жөнүндө декларация”; - токтомдун ушул долбоорунун тиркемесине ылайык редакцияда      II-A, VI-A жана X бөлүмдөрү менен толукталсын; мамлекеттик кызматчынын, ошондой эле анын жакын туугандарынын кирешелери, мүлкү менен милдеттенмелери жөнүндө декларациянын бланкынын 1-тиркемесинде: - бүткүл текст боюнча “Cаясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу” деген сөздөр “Саясий, атайын мамлекеттик жана муниципалдык саясий кызматтарды ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” деген сөздөр менен алмаштырылсын; - 1-пункт төмөнкүдөй редакцияда баяндалсын: “1. Декларация мамлекеттик жана муниципалдык кызматчы тарабынан жазуу жүзүндө же электрондук формада толтурулат. Жазуу жүзүндөгү декларацияны мамлекеттик жана муниципалдык кызматчы өз колу менен толтурат, жазуулар так жана түшүнүктүү кол тамгалар менен жазылат. Электрондук формадагы декларация кагазга чыгарылууга тийиш.”; -2-пункт төмөнкүдөй редакцияда баяндалсын: “Саясий, атайын мамлекеттик жана муниципалдык саясий кызматтарды ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” Кыргыз Республикасынын Мыйзамынын күчү жайылтылган мамлекеттик жана муниципалдык кызматчылар декларацияны эки нускада толтурушат, декларациянын бир нускасы чапталган конвертте ыйгарым укуктуу мамлекеттик органга кол менен жеткирилет же анын дарегине почта аркылуу жөнөтүлөт. Декларациянын экинчи нускасы мамлекеттик жана муниципалдык кызматчыда калат.”; - III-Б, VII-Б бөлүмдөрүндөгү “кузовдун көлөмү жана” деген сөздөр “кыймылдаткычынын көлөмү жана кузовунун” деген сөздөр менен алмаштырылсын; - 2-глава төмөнкүдөй мазмундагы II-A, VI-A жана X бөлүмдөрү менен толукталсын: «

”;

мамлекеттик кызматчынын, ошондой эле анын жакын туугандарынын кирешелери, мүлкү жана милдеттенмелери жөнүндө декларациянын бланкынын 2-тиркемесинде: - 2-пункттун аталышы төмөнкүдөй редакцияда баяндалсын: “2. Акча каражаттары түрүндөгү кирешелердин жана мүлктү сатып алуу булагынын классификатору”; жогоруда аталган токтом менен бекитилген Мамлекеттик кызматчынын, ошондой эле анын жакын туугандарынын кирешелери, мүлкү жана милдеттенмелери жөнүндө декларацияда көрсөтүлгөн маалыматтардын тууралыгына жана толуктугуна талдоо жүргүзүү тартиби жөнүндө жободо: - аталышы төмөнкүдөй редакцияда баяндалсын: “Мамлекеттик жана муниципалдык кызматчылардын кирешелери, чыгымдары, милдеттенмелери жана мүлкү жөнүндө декларацияда көрсөтүлгөн маалыматтардын тууралыгына жана толуктугуна талдоо жүргүзүү тартиби жөнүндө жобо”; 

- бүткүл текст боюнча “Cаясий жана башка атайын мамлекеттик кызматтарды ээлеп турган адамдардын, ошондой эле алардын жакын туугандарынын кирешелери, милдеттенмелери менен мүлкү жөнүндө маалыматтарды декларациялоо жана жарыялоо тууралуу” деген сөздөр “Саясий, атайын мамлекеттик жана муниципалдык саясий кызматтарды ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” деген сөздөр менен алмаштырылсын;

 - 1-пункт төмөнкүдөй редакцияда баяндалсын: 

“1. Бул Жобо мамлекеттик жана муниципалдык кызматчылардын, ошондой эле алардын жакын туугандарынын (мындан ары - декларанттар) Декларацияларында (мындан ары – декларациялар) көрсөтүлгөн кирешелери, чыгымдары, мүлкү жана мүлктүк мүнөздөгү милдеттенмелери жөнүндө маалыматтардын тууралыгына жана толуктугуна талдоо жүргүзүү тартибин аныктайт.”; 

- 5-пункт төмөнкүдөй редакцияда баяндалсын: 

“5. Декларацияларды толук талдоо ыйгарым укуктуу мамлекеттик орган тарабынан жүргүзүлөт жана декларацияда көрсөтүлгөн маалыматтардын толуктугун жана тууралыгын текшерүүдөн турат. Декларацияларды толук талдоо төмөнкү учурларда жүргүзүлөт: 1) декларацияны алгачкы талдоонун натыйжалары боюнча аларда көрсөтүлгөн туура эмес же толук эмес маалыматтар, же болбосо декларанттын же анын жакын туугандарынын декларацияда көрсөтүлгөн кирешелери, чыгымдары, мүлкү жана мүлктүк мүнөздөгү милдеттенмелери жөнүндө маалыматтар менен ырасталбаган мүлктүк абалынын олуттуу өзгөртүлгөнү (кирешенин, чыгымдардын жана мүлктүн көбөйүшү жана (же) мүлктүк мүнөздөгү милдеттенмелердин азайышы) белгиленгенде. Декларанттын жана анын жакын туугандарынын мүлктүк абалынын олуттуу өзгөртүлүшү деп Кыргыз Республикасынын мыйзамдарында белгиленген эсептик көрсөткүчтүн өлчөмүнөн 100 эсе ашкан өлчөмдө (наркы) декларацияда көрсөтүлгөн кирешелер, чыгымдар, мүлк жана мүлктүк мүнөздөгү милдеттенмелер жөнүндө маалыматтар менен ырасталбаган, алардын кирешелеринин, чыгымдарынын жана (же) мүлкүнүн көбөйүшү жана (же) мүлктүк мүнөздөгү милдеттенмелеринин азайышы таанылат; 

2) мамлекеттик органдардан, жергиликтүү өз алдынча башкаруу органдарынан, коммерциялык, коммерциялык эмес уюмдардан жана жеке жактардан декларанттын жана (же) анын жакын туугандарынын кирешелери, чыгымдары, мүлкү жана мүлктүк мүнөздөгү милдеттенмелери жөнүндө маалыматтарга тиешелүү билдирүүлөр келип түшкөндө, ЖМКда жарыяланганда. Арыз ээсинин фамилиясы (аты-жөнү) жана почта дареги көрсөтүлбөгөн маалымат (жазуу жүзүндөгү кайрылуу) жашыруун деп табылат жана декларацияга толук талдоо жүргүзүү үчүн негиз болуп саналбайт.”; 

- 9-пункттун биринчи жана экинчи абзацтары “кирешелер,” деген сөздөн кийин “чыгымдар,” деген сөз менен толукталсын. - 10-пункт төмөнкүдөй редакцияда баяндалсын: 

“10. Ыйгарым укуктуу мамлекеттик орган комиссиянын корутундусунун негизинде тиешелүү маалыматты: 

- “Саясий, атайын мамлекеттик жана муниципалдык саясий кызматтарды ээлеп турган адамдардын кирешелерин, чыгымдарын, милдеттенмелерин жана мүлкүн декларациялоо жөнүндө” Кыргыз Республикасынын Мыйзамынын 6-беренесине ылайык Кыргыз Республикасынын Президентине, Кыргыз Республикасынын Жогорку Кеңешине, Кыргыз Республикасынын Өкмөтүнө, Кыргыз Республикасынын Жогорку сотуна, Кыргыз Республикасынын Жогорку сотунун Конституциялык палатасына; - декларантты белгиленген тартипте жоопкерчиликке тартуу үчүн администрациялык мамлекеттик жана муниципалдык кызматты ээлеген адамдарга карата мамлекеттик органдын, жергиликтүү өз алдынча башкаруу органынын жетекчисине жиберет.”. 

2. Ушул токтом расмий жарыяланган күндөн жети күн өткөндөн кийин күчүнө кирет.                

Премьер-министр                                                      Т.А. Сариев