Кыргыз Республикасынын Өкмөтүнүн 2007-жылдын 19-ноябрындагы № 556 "Кыргыз Республикасынын мамлекеттик чегарасында эл аралык автомобилдик, аба жана темир жол катнашы үчүн арналган өткөрүү пункттарынын жана Кыргыз Республикасынын автомобиль жолдорундагы ички стационардык посттордун иштерин тартипке салуу боюнча чаралар жөнүндө" токтомуна өзгөртүүлөрдү киргизүү тууралуу
Кыргыз Республикасынын мамлекеттик чек арасы аркылуу "Кызыл-Бел автожолу" жана "Кулунду автожолу" өткөрүү пункттарында тиешелүү транспорттук контролдоону жана Кыргыз Республикасынын аймагында чет элдик автоташуучулардын транспорттук иштерин жөнгө салууну камсыздоо максатында, "Кыргыз Республикасынын чек арасы жөнүндө" жана "Автомобиль транспорту жөнүндө" Кыргыз Республикасынын мыйзамдарына ылайык Кыргыз Республикасынын Өкмөтү токтом кылат:
1. Кыргыз Республикасынын Өкмөтүнүн 2007-жылдын 19-ноябрындагы № 556 "Кыргыз Республикасынын мамлекеттик чегарасында эл аралык автомобилдик, аба жана темир жол катнашы үчүн арналган өткөрүү пункттарынын жана Кыргыз Республикасынын автомобиль жолдорундагы ички стационардык посттордун иштерин тартипке салуу боюнча чаралар жөнүндө" токтомуна төмөнкүдөй өзгөртүүлөр киргизилсин:
- жогоруда аталган токтомдун 1-тиркемесинин 8-пункту расмий тилде төмөнкүдөй редакцияда баяндалсын:
"
8 | Каркыра автодорожный | Иссык-Кульская обл., Тюпский р-н, местность Каркыра (3 МТФ) | Многосторонний, светлое время суток | + | + | + | - | + | + | + |
";
- жогоруда аталган токтомдун 3-тиркемесинин 2 жана 3-пункттары төмөнкүдөй редакцияда баяндалсын:
"
2 | Кызыл-Бел автожолу | Баткен обл., Баткен р-ну, Кызыл-Бел айылынын түштүк чети | Көп тараптуу, күнү-түнү | + | + | + | + | + | + | + |
3 | Кулунду автожолу | Баткен обл., Лейлек р-ну, Кулунду айылынын түндүк чети | Көп тараптуу, күнү-түнү | + | + | + | + | + | + | - |
".
2. Ушул токтом жарыяланган күндөн он беш күн өткөндөн кийин күчүнө кирет.
Кыргыз Республикасынын Премьер-министри | Т.Сариев |