Кыргыз Республикасынын Өкмөтүнүн 2015-жылдын 11-мартындагы № 113 “Айыл чарбасын каржылоо -3” долбоорун бекитүү жөнүндө” токтомуна өзгөртүү киргизүү тууралуу 

“Айыл чарбасын каржылоо – 3” долбоору боюнча республиканын  айылдык товар өндүрүүчүлөрүн жеткиликтүү жеңилдетилген кредиттик каражаттар менен кыйла кеңири камтуу жана 2015-жылы жазгы талаа жумуштарын өз убагында жүргүзүү үчүн каражаттарды ыкчам жайгаштыруу максатында, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана  17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2015-жылдын 11-мартындагы № 113 “Айыл чарбасын каржылоо – 3” долбоорун бекитүү жөнүндө” токтомуна төмөнкүдөй өзгөртүү киргизилсин:

- жогоруда аталган токтомдун тиркемесинде:

2-главасынын он экинчи абзацындагы “25” деген цифралар “60” деген цифралар менен алмаштырылсын.

2. Ушул токтом расмий жарыяланган күндөн он күн өткөндөн кийин күчүнө кирет.

Премьер-министр                                                     Дж.К.Оторбаев