Курман айт күнү жөнүндө

Кыргыз Республикасынын Эмгек кодексинин 113-беренесине ылайык Кыргыз Республикасынын Өкмөтү токтом кылат:

1. 2014-жылдын 4-октябры Кыргыз Республикасынын аймагында Курман айтты майрамдоо күнү деп жарыялансын.

2. Кыргыз Республикасынын Эмгек кодексинин 113-беренесинин 3-бөлүгүнө ылайык эки дем алыш күнү бар беш күндүк иш жумасы графиги боюнча иштеген уюмдардын, мекемелердин жана ишканалардын кызматкерлери үчүн 2014-жылдын 6-октябры дем алыш күн болуп эсептелсин.

3. Бул токтом расмий жарыяланган күндөн тартып күчүнө кирет.

Премьер-министр                                                     Дж.К. Оторбаев