1999-2000-жылдардагы Баткен окуясында Кыргыз Республикасынын аймактык бүтүндүгүн коргоо боюнча аскердик жана кызматтык милдеттерин аткарууда курман болгондорду эскерүү күнүн белгилөө жөнүндө

1999-2000-жылдарда Баткен облусундагы күжүрмөн аракеттерге катышкандардын каармандыгын жана эрдигин белгилеп, мамлекеттин эгемендиги жана эркиндиги үчүн өз өмүрүн бергендердин элесине таазим этип, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. 26-октябрь жыл сайын өткөрүлүүчү 1999-2000-жылдардагы Баткен окуясында Кыргыз Республикасынын аймактык бүтүндүгүн коргоо боюнча аскердик жана кызматтык милдеттерин аткарууда курман болгондорду эскерүү күнү деп белгиленсин.

2. Ушул токтом расмий жарыяланган күндөн тартып күчүнө кирет.

 Премьер-министр                                                            М.Д.Абылгазиев