КР Өкмөтүнүн 2019-жылдын 19-апрелиндеги № 187 токтому

Кыргыз Республикасынын Өкмөтүнүн 2011-жылдын 6-октябрындагы № 618 «Бирдиктүү шыр байланыш» туруктуу иштөөчү кызматы жөнүндө жобону, Кыргыз Республикасынын экстрендик оперативдик кызматтарынын тизмесин бекитүү жана Кыргыз Республикасынын Өзгөчө кырдаалдар министрлигинин алдындагы кризистик кырдаалдарда башкаруу борборунун базасындагы 112-бирдиктүү мамлекеттик нөөмөттүк-диспетчердик ыкчам кызматты чакырууну камсыздоо системасын түзүү концепциясын жактыруу жөнүндө» токтомуна өзгөртүүлөрдү киргизүү тууралуу

Жол кыймылынын коопсуздугун камсыздоо чөйрөсүндө сапаттуу маалыматтарды алууга тиешелүү маселелерди ыкчам чечүү максатында, «Кыргыз Республикасынын Өкмөтү жөнүндө» Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2011-жылдын 6-октябрындагы № 618 «Бирдиктүү шыр байланыш» туруктуу иштөөчү кызматы жөнүндө жобону, Кыргыз Республикасынын экстрендик оперативдик кызматтарынын тизмесин бекитүү жана Кыргыз Республикасынын Өзгөчө кырдаалдар министрлигинин алдындагы Кризистик кырдаалдарда башкаруу борборунун базасындагы

112-бирдиктүү мамлекеттик нөөмөттүк-диспетчердик ыкчам кызматты чакырууну камсыздоо системасын түзүү концепциясын жактыруу жөнүндө» токтомуна төмөнкүдөй өзгөртүүлөр киргизилсин: 

жогоруда аталган токтом менен бекитилген «Бирдиктүү шыр байланыш» туруктуу иштөөчү кызматы жөнүндө жободо:

2-главанын 4-пункту төмөнкүдөй мазмундагы жыйырманчы абзац менен толукталсын:

«- оор кесепеттерге алып келген жол-транспорт кырсыктарын алдын алуу менен жол кыймылынын катышуучуларынын мыйзамдуу укуктарын жана кызыкчылыктарын коргоо.»;

жогоруда аталган токтом менен бекитилген 112-бирдиктүү мамлекеттик нөөмөттүк-диспетчердик кызматтын экстрендик кызматтарды чакыруу системасына кирген, Кыргыз Республикасынын экстрендик оперативдүү кызматтарынын тизмесинде:

1-пункту төмөнкүдөй редакцияда баяндалсын:

«

1

100

ЖКККББнын

шыр байланышы

Кыргыз Республикасынын

Ички иштер министрлиги

».

2. Кыргыз Республикасынын Маалыматтык технологиялар жана байланыш мамлекеттик комитетине караштуу Мамлекеттик байланыш агенттиги Кыргыз Республикасынын Ички иштер министрлигинин Жол кыймылынын коопсуздугун камсыздоо боюнча башкы башкармалыгынын «шыр байланышынын» иштөөсү үчүн «100» телефондук номерин Кыргыз Республикасынын Ички иштер министрлигине бөлүп берсин.

3. Кыргыз Республикасынын Ички иштер министрлигинин Жол кыймылынын коопсуздугун камсыздоо боюнча башкы башкармалыгы «шыр байланыш» телефонунун иштөөсүн финансылык жактан камсыздоону Кыргыз Республикасынын Ички иштер министрлигинин Жол кыймылынын коопсуздугун камсыздоо боюнча башкы башкармалыгын кармоого каралган каражаттын чегинде жүзөгө ашырсын.

4. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.

5. Ушул токтом расмий жарыяланган күндөн тартып он күндүн ичинде күчүнө кирет.

 Премьер-министр                                                             М.Д.Абылгазиев

Тиркемелер

Басып чыгаруу

Электрондук регион

Календарь