Кыргыз Республикасынын Өкмөтүнүн 2015-жылдын 1-июлундагы № 430 “Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин “Бишкек шаарынын архитектура жана шаар курулуш башкы башкармалыгы” мамлекеттик ишканасын Бишкек шаарынын мэриясынын муниципалдык менчигине өткөрүп берүү жөнүндө” токтомун күчүн жоготту деп таануу тууралуу
Шаар курулушу жана архитектура чөйрөсүндөгү саясатты ишке ашыруунун натыйжалуулугун арттыруу максатында, “Кыргыз Республикасынын шаар куруу мыйзамдарынын негиздери жөнүндө” жана “Шаар куруу жана архитектура жөнүндө” Кыргыз Республикасынын мыйзамдарына, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:
1. Кыргыз Республикасынын Өкмөтүнүн 2015-жылдын 1-июлундагы № 430 “Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин “Бишкек шаарынын архитектура жана шаар курулуш башкы башкармалыгы” мамлекеттик ишканасын Бишкек шаарынын мэриясынын муниципалдык менчигине өткөрүп берүү жөнүндө” токтому күчүн жоготту деп таанылсын.
2. Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттиги, Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд жана Бишкек шаарынын мэриясы (макулдашуу боюнча):
- өз чечимдерин ушул токтомго ылайык келтиришсин;
- ушул токтомдон келип чыгуучу башка чараларды көрүшсүн.
3. Ушул токтом расмий жарыяланууга тийиш жана кол коюлган күндөн тартып күчүнө кирет.
Премьер-министр М.Д.Абылгазиев