“Центерра Голд Инк.” компаниясынын, “Кыргызалтын” ААКтын, Кыргыз Республикасынын жана эскроу-агент катары GLAS Specialist Services Limited ортосундагы жооптуу сактоо жөнүндө макулдашуунун долбоорун жактыруу тууралуу

Кыргыз Республикасынын Президентинин 2022-жылдын 14-мартындагы № 79 “Кыргыз тараптын жана канадалык “Центерра Голд Инк.” компаниясынын ортосундагы өз ара дооматтарды жөнгө салуу боюнча чаралар жөнүндө” Жарлыгын жана Кыргыз Республикасынын Министрлер Кабинетинин 2022-жылдын 25-мартындагы № 157 “Кыргыз тараптын жана канадалык “Центерра Голд Инк.” компаниясынын ортосундагы өз ара дооматтарды жөнгө салуу боюнча чаралар жөнүндө” токтомун көңүлгө алып, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 17-беренесине ылайык Кыргыз Республикасынын Министрлер Кабинети токтом кылат: 

1. Кыргыз Республикасынын жана “Кыргызалтын” ААКтын жана “Центерра Голд Инк.” компаниясынын жана “Кумтор Голд Компани” ЖАКтын жана “Кумтор Оперейтинг Компани” ЖАКтын ортосундагы Жөнгө салуу жөнүндө глобалдуу макулдашуунун алкагында түзүлгөн “Центерра Голд Инк.” компаниясынын, “Кыргызалтын” ААКтын, Кыргыз Республикасынын жана эскроу-агент катары GLAS Specialist Services Limited ортосундагы жооптуу сактоо жөнүндө макулдашуунун расмий тилде (расмий эмес котормо) тиркелген долбоору жактырылсын. 

2. Кыргыз Республикасынын Министрлер Кабинетинин Төрагасы А.У. Жапаровго ушул токтомдун 1-пунктунда каралган Макулдашуунун долбооруна принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин. 

3. Бул токтом расмий жарыяланган күндөн тартып күчүнө кирет. 

Кыргыз Республикасынын 

Министрлер Кабинетинин 

Төрагасы                                                                       А.У. Жапаров