Главная страница | Кыргыз Республикасынын Министрлер Кабинети

Кыргыз Республикасынын Салык кодексинин 297 жана 353-беренелерин ишке ашыруу боюнча чаралар жөнүндө

Кыргыз Республикасынын Салык кодексинин 297, 353-беренелерин ишке ашыруу максатында, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

1) пайдалуу кен чыккан жерлердин жана анын көрүнүштөрүнүн бонустарынын ставкаларынын классификациялык таблицасы 1-тиркемеге ылайык;

2) лицензиялык аянттын бонустарынын ставкаларынын классификациялык таблицасы 2-тиркемеге ылайык.

2. Кыргыз Республикасынын Министрлер Кабинетинин 2021-жылдын 4-октябрындагы № 196 “Кыргыз Республикасынын аймагына импорттоодо КНС төлөөдөн бошотулууга тийиш болгон энергиянын кайра жаралуучу булактарын пайдалануунун негизинде энергетикалык орнотмолорду куруу үчүн арналган адистештирилген товарлардын жана жабдуулардын тизмегин бекитүү жөнүндө” токтомуна төмөнкүдөй өзгөртүү киргизилсин:

– преамбуласы төмөнкүдөй редакцияда баяндалсын:

“Инвестицияларды тартуу жана энергиянын кайра жаралуучу булактарын өнүктүрүү үчүн шарттарды түзүү максатында, Кыргыз Республикасынын Салык кодексинин 297-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:”.

3. Кыргыз Республикасынын Жаратылыш ресурстары, экология жана техникалык көзөмөл министрлиги Кыргыз Республикасынын Экономика жана коммерция министрлиги, Кыргыз Республикасынын Финансы министрлигине караштуу Мамлекеттик салык кызматы менен биргеликте эл аралык тажрыйбаны эске алуу менен пайдалуу кен чыккан жерлердин жана анын көрүнүштөрүнүн бонустарынын ставкаларына деталдуу талдоо жүргүзсүн жана 2022-жылдын 1-декабрына чейинки мөөнөттө тиешелүү сунуш киргизсин.

4. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2008-жылдын 30-декабрындагы № 736 “Кыргыз Республикасынын Салык кодексинин ченемдеринин талаптарын турмушка ашыруу боюнча чаралар жөнүндө” токтому;

2) Кыргыз Республикасынын Өкмөтүнүн 2009-жылдын 25-июнундагы № 410 “Кыргыз Республикасынын Салык кодексинин ченемдеринин талаптарын турмушка ашыруу боюнча чаралар жөнүндө” Кыргыз Республикасынын Өкмөтүнүн 2008-жылдын
30-декабрындагы № 736 токтомуна өзгөртүү жана толуктоолорду киргизүү тууралуу” токтому;

3) Кыргыз Республикасынын Өкмөтүнүн 2009-жылдын 12-сентябрындагы № 577 “Кыргыз Республикасынын Салык кодексинин ченемдеринин талаптарын турмушка ашыруу боюнча чаралар жөнүндө” Кыргыз Республикасынын Өкмөтүнүн 2008-жылдын 30-декабрындагы № 736 токтомуна өзгөртүүлөрдү киргизүү тууралуу” токтому;

4) Кыргыз Республикасынын Өкмөтүнүн 2011-жылдын 12-сентябрындагы № 542 “Кыргыз Республикасынын Өкмөтүнүн 2008-жылдын 30-декабрындагы № 736 “Кыргыз Республикасынын Салык кодексинин нормаларынын талаптарын турмушка ашыруу боюнча чаралар жөнүндө” токтомуна толуктоо жана өзгөртүү киргизүү тууралуу” токтому;

5) Кыргыз Республикасынын Өкмөтүнүн 2013-жылдын 13-июнундагы № 350 “Тоо-кен казып алуу тармагындагы иштин абалы жана өнүктүрүүнүн келечеги жөнүндө” токтому;

6) Кыргыз Республикасынын Өкмөтүнүн 2019-жылдын 3-июлундагы № 339 “Жалпы мамлекеттик маанидеги жер казыналарынын участокторунун реестрин бекитүү жөнүндө” токтомунун 3-пункту.

5. Бул токтом расмий жарыяланууга тийиш жана 2022-жылдын 1-январынан тартып күчүнө кирет.

1-тиркеме

Пайдалуу кен чыккан жерлердин жана анын көрүнүштөрүнүн бонустарынын ставкаларынын классификациялык таблицасы

№	Пайдалуу кендер	Запастар, ресурстар	Кен чыккан жерлердин изилденгенине, баалуулугуна жана масштабына жараша бонустардын ставкалары (АКШ долл.)
	Пайдалуу кендер	Запастар, ресурстар	өнөр жайлык өздөштүрүүгө даярдалган, чалгындалган кен чыккан жерлер (запастардын категориясы А+В+С1+С2+бс/з)	пайдалуу кендердин алдын ала бааланган кен чыккан жерлери жана көрүнүштөрү (С2 запастарынын жана P1 болжолдуу ресурстарынын категориясы)
1	Мунай (казып алынуучу запастар)	1 млн т	100000	5000
2	Күйүүчү газдар	1 млн куб. м	30	2
3	Таш көмүр	1 млн т	2000	200
4	Күрөң көмүр	1 млн т	1000	100
5	Темир рудасы	10 млн т	10000	100
6	Марганец	1 млн т	2000	20
7	Алюминий (Al2O3)	1 млн т	1000	10
8	Жез, коргошун, цинк, мышьяк	1 миң т	1000	10
9	Сейрек металлдар: калай, вольфрам (WO3), сурьма, сымап, молибден, бериллий (BeO), тантал (Ta2O5), ниобий (Nb2O5), ванадий (V2O5), висмут	1 миң т	3000	30
10	Сейрек кендер (ETR)	1 миң т	4000	40
11	Уюган алтын жана платиноиддер	1 т	60000	1000
12	Чачыранды алтындар	1 т	40000	1000
13	Күмүш	1 т	1000	10
14	Уран	1 миң т	10000	100
15	Магнетит (күкүм түрүндөгү)	1 млн т	1000	10
16	Цирконий (ZrO), стронций (SrO), флюорит	1 миң т	100	10
17	Кремний сырьесу:
	- кварц;	1 миң т	300	100
	- кварциттер	1 млн т	10000	2000
18	Зергердик таштар	1000 карат	1000	100
19	Зергердик-жасалгалоочу таштар	1000 карат	200	20
20	Жасалгалоочу таштар	1 куб. м	50	10
21	Агрохимиялык сырье: фосфориттер апатит (P2O5), глауконит	1 млн т	10000	100
22	Табигый минералдык туздар (галит, тенардит, глауберит ж.б.)	1 млн т	2500	500
23	Фарфордук таш, волластонит	1 млн т	5000	1000
24	Цементтик сырье:
	- акиташтар, доломиттер, мергелдер;	1 млн т	1000	200
	- чополуу заттар (чополор, топурактар, чополуу сланецтер)	1 млн т	500	100
	- минералдык кошулмалар (гипс, глиеждер ж.б.)	1 млн т	500	100
25	Кирпич жана керамзит сырьелеору (чополор, топурактар, чополуу сланецтер, кум)	1 млн т	600	200
26	Кум-шагылдуу аралашмалар	1 млн куб. м	5000	1000
27	Курулуш кумдары	1 млн куб. м	8000	800
28	Кварц кумдары	1 млн т	10000	2000
29	Каолин, отко чыдамдуу жана бентониттик чополор	1 млн т	8000	1000
30	Аки өндүрүү үчүн акиташтар, курулуш гипси	1 млн т	1000	200
31	Курулуш ташы	1 млн т	1000	100
32	Табигый беттөөчү таш	1 млн т	25000	5000
33	Петролургиялык сырье (базальт, диабаз ж.б.)	1 млн т	10000	2000
34	Графит	1 млн т	40000	4000
35	Барит	1 млн т	20000	2000
36	Табигый күкүрт жана күкүрт колчеданы (S)	1 млн т	10000	1000
37	Магнезит, тальк, пирофилит	1 миң т	100	10
38	Жер астындагы ичүүчү суулар	1000 куб. м/сут.	13000	6500
39	Минералдык суулар	100 куб. м/сут	8000	4000
40	Термалдык суулар	100 куб. м/сут	8000	4000
41	Термалдык минералдык суулар	100 куб. м/сут	8000	4000

Эскертүү: пайдалуу кендердин запастары изилденүү даражасы боюнча A, B, C1 жана C2 категорияларына бөлүнөт. Мындан тышкары баланстан сырткары запастар жана P1 категориясындагы болжолдуу ресурстар бөлүнөт.

A, B, C1 категорияларындагы запастар кен ишканасын долбоорлоого жана курууга негиз болот.

C2 категориясындагы запастар чалгындалган кен чыккан жерлер үчүн долбоорлоодо толук эмес жана толук эске алынат жана кен чыккан жердин резерви болот.

Баланстан сырткары запастар (бс/з) - A, B, C1 жана C2 категориялары боюнча чалгындалган, кен ишканасын долбоорлоо стадиясында аларды пайдалануу экономикалык жана техникалык себептер боюнча максатка ылайыксыз болгон запастар. Долбоорлоодо эске алынат жана минералдык сырьего болгон баа, кен чыккан жерлерди иштетүүнүн кен-техникалык шарттары өзгөргөн учурда жана башка себептер боюнча пайдаланылышы мүмкүн.

P1 категориясындагы болжолдуу ресурстар зарыл болгон геологиялык чалгындоо иштерин жүргүзүүдөн кийин өнөр жайлык запастардын табылуу мүмкүндүгүн көрсөтөт.

2-тиркеме

Лицензиялык аянттын бонустарынын ставкаларынын классификациялык таблицасы

№	Пайдалуу кендер	Өлчөө бирдиги	Бонустун ставкалары (АКШ долл.)
1	Мунай жана газ	кв. км	10
2	Көмүр	кв. км	500
3	Металлдык пайдалуу кендер	кв. км	25
4	Алтын жана платиналык күкүм тобундагы металлдар	кв. км	100
5	Зергердик жана зергердик-жасалгалоочу таштар	кв. км	20
6	Жасалгалоочу таштар	кв. км	20
7	Табигый беттөөчү таш	кв. км	500
8	Рудалык эмес пайдалуу кендер	кв. км	1000

Эскертүү: классификациялык таблицада белгиленген пайдалуу кендердин эки же андан көп түрүн геологиялык изилдөө аянтын лицензиялоодо бонус көрсөтүлгөн аянттын өлчөмүнө жараша пайдалуу кендин ар бир түрү боюнча алынат.

Кыргыз Республикасынын

Министрлер Кабинетинин

Төрагасы А.У. Жапаров

Тиркемелер

Басып чыгаруу

КР Министрлер Кабинетинин 12.08.22 ж. №447 токтому

Тиркемелер