Кыргыз Республикасынын Өкмөтүнүн 2012-жылдын 10-февралындагы № 85 “Мамлекеттик органдары, алардын түзүмдүк бөлүмчөлөрү жана ведомстволук мекемелери көрсөтүүчү мамлекеттик кызмат көрсөтүүлөрдүн бирдиктүү реестрин (тизмегин) бекитүү жөнүндө” токтомуна өзгөртүүлөрдү киргизүү тууралуу
1. Кыргыз Республикасынын Өкмөтүнүн 2012-жылдын 10-февралындагы № 85 “Мамлекеттик органдары, алардын түзүмдүк бөлүмчөлөрү жана ведомстволук мекемелери көрсөтүүчү мамлекеттик кызмат көрсөтүүлөрдүн бирдиктүү реестрин (тизмегин) бекитүү жөнүндө” токтомуна төмөнкүдөй өзгөртүүлөр киргизилсин:
аталган токтом менен бекитилген Мамлекеттик органдары, алардын түзүмдүк бөлүмчөлөрү жана ведомстволук мекемелери көрсөтүүчү мамлекеттик кызмат көрсөтүүлөрдүн бирдиктүү реестринде (тизмегинде):
– “Социалдык тейлөөлөр” 3-главасында:
9-пункт төмөнкүдөй редакцияда баяндалсын:
“
9 | Кыргыз Республикасынын Президентине караштуу Улуттук аттестациялык комиссиянын “Кыргыз Республикасындагы илимий изилдөөлөр” илимий журналына макалаларды жарыялоо | УАК | УАК | Акы төлөнөт |
”;
“Каттоо, маалымат кат, күбөлүк жана башка документтерди, ошондой эле алардын көчүрмөлөрүн жана дубликаттарын берүү тейлөөлөр” 4-главасынын 10, 11, 12, 13, 63-пункттарындагы “ЖАК” деген аббревиатура “УАК” деген аббревиатурага алмаштырылсын;
– “Изилдөө, талдоо, баалоо жана экспертиза кызматын көрсөтүү” 5-главасында:
6-пункт төмөнкүдөй редакцияда баяндалсын:
“
6 | Өзгөчө корголуучу жаратылыш аймактарында, аң уулоочу жерлерде жана мамлекеттик токой фондунан тышкары жерлерде пландан тышкары токой өстүрүү жана илимий-изилдөө иштерин аткаруу | АЧМ | ЖРЭТКМ, АЧМ | Акы төлөнөт |
”;
12-пункт төмөнкүдөй редакцияда баяндалсын:
“
12 | Кыргыз Республикасынын Министрлер Кабинети тарабынан бекитиле турган эпизоотияга каршы иш-чаралардын тизмегине ылайык ветеринардык-санитардык иш-чараларды өткөрүү | АЧМ | АЧМ | Акысыз |
”;
13, 21, 22, 23-пункттардагы “АЧТММ” деген аббревиатура “АЧМ” деген аббревиатурага алмаштырылсын;
45-пункт төмөнкүдөй редакцияда баяндалсын:
“
45 | Кардарлардын табыштамасы боюнча белгиленген түрдөгү документ берүү менен ченөө каражаттарынын тибин бекитүү | ЭКМ | ЭКМ | Акы төлөнөт |
”;
төмөнкүдөй мазмундагы 65, 66-пункттар менен толукталсын:
“
65 | Лабораториялык корутунду берүү менен асыл тукум малдын алып келинген уругунун сапатына лабораториялык изилдөөлөр | АЧМ | АЧМ | Акы төлөнөт |
66 | Асыл тукум малдын асыл тукумдук жана азыктуулук сапаттарын жана тегин аныктоо | АЧМ | АЧМ | Акы төлөнөт |
”;
– “Маалымат менен камсыздоо тейлөөлөрү” 6-главасынын
4-пунктундагы “ЖАК” деген аббревиатура “УАК” деген аббревиатурага алмаштырылсын;
– “Коопсуздукту жана сактоону камсыздоо” 8-главасынын
11-пунктундагы “Тез от алуучу, катуу таасир этүүчү, уулуу, радиоактивдүү заттарды жана материалдарды коштоо” деген сөздөр “Кооптуу, ири габариттүү жана оор салмактуу жүктөрдү коштоо” деген сөздөргө алмаштырылсын;
– “Башка кызмат көрсөтүүлөр” 9-главасында:
3, 4-пункттар төмөнкүдөй редакцияда баяндалсын:
“
3 | Жаратылышты коргоо, рекреациялык, илимий, эстетикалык, тарыхый-маданий жана агартуучу маанидеги, өзгөчө корголуучу жаратылыш аймактарынын, мамлекеттик токой фондунун, жаратылыш музейлеринин, экологиялык визит борборлорунун, бекитилип берилген аң уулоо жерлеринин объекттерине баруу | ЖРЭТКМ | ЖРЭТКМ, КРПИБ, АЧМ | Акы төлөнөт | |
4 | Мамлекеттик токой питомниктеринде өстүрүлгөн жыгачтарды багып кыюудан, токойду калыбына келтирүүчү кыюудан, санитардык кыюудан кийин жана тигилүүчү материалдарды сатуу | АЧМ | ЖРЭТКМ, КРПИБ, АЧМ | Акы төлөнөт | |
”.
2. Бул токтом расмий жарыяланган күндөн тартып он беш күн өткөндөн кийин күчүнө кирет.
Кыргыз Республикасынын
Министрлер Кабинетинин
Төрагасы А.У. Жапаров