Кыргыз Республикасынын Өкмөтүнүн токтому Минск шаарында 2013-жылдын 25-октябрында кол коюлган Коррупцияга каршы аракеттенүү боюнча Мамлекеттер аралык кеңешти түзүү жөнүндө макулдашууну бекитүү тууралуу

Мамлекеттик ички жол-жоболорду аткаруу максатында, “Кыргыз Республикасынын эл аралык келишимдери жөнүндө” Кыргыз Республикасынын Мыйзамынын 18-беренесине ылайык Кыргыз Республикасынын Өкмөтү токтом кылат:

1. Минск шаарында 2013-жылдын 25-октябрында кол коюлган Коррупцияга каршы аракеттенүү боюнча Мамлекеттер аралык кеңешти түзүү жөнүндө расмий тилде тиркелген макулдашуу бекитилсин.
2. Кыргыз Республикасынын Башкы прокурору (макулдашуу боюнча) Кыргыз Республикасынын атынан Коррупцияга каршы аракеттенүү боюнча Мамлекеттер аралык кеңештин мүчөсү болуп аныкталсын.
3. Кыргыз Республикасынын Тышкы иштер министрлиги Көз карандысыз Мамлекеттер Шериктештигинин Аткаруу комитетине көрсөтүлгөн Макулдашуунун күчүнө кириши үчүн зарыл болгон мамлекеттик ички жол-жоболор Кыргыз Республикасын тарабынан аткарылгандыгы жөнүндө жана Кыргыз Республикасынын Башкы прокурору (макулдашуу боюнча) Кыргыз Республикасынын атынан Коррупцияга каршы аракеттенүү боюнча Мамлекеттер аралык кеңештин мүчөсү болуп аныкталгандыгы тууралуу кабарлансын.
4. Ушул токтом расмий жарыяланган күндөн тартып он күн өткөндөн кийин күчүнө кирет.

Премьер-министр                                                          М.Д. Абылгазиев