Кыргыз Республикасынын Куруучу күнү –  кесиптик майрамын белгилөө жөнүндө

Кыргыз Республикасында биринчи мамлекеттик курулуш органынын түзүлгөндүгүнүн 100 жылдыгына  байланыштуу, курулуш тармагынын кызматкерлеринин өлкөнүн социалдык-экономикалык өнүгүүсүнө кошкон олуттуу салымын таануу иретинде, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат: 

1. 2-август жыл сайын белгиленүүчү Кыргыз Республикасынын Куруучу күнү – кесиптик майрамы болуп белгиленсин. 
2. Кыргыз Республикасынын Өкмөтүнүн 1994-жылдын 28-июлундагы № 539 «Кыргыз Республикасында Куруучу күнүн белгилөө жөнүндө» токтому күчүн жоготту деп таанылсын. 
3. Бул токтом расмий жарыяланган күндөн тартып күчүнө кирет.

Кыргыз Республикасынын 

Министрлер Кабинетинин

Төрагасы                                                                             А.А. Касымалиев