Кыргыз Республикасынын мыйзам алдындагы актыларынын долбоорлорун иштеп чыгуу боюнча нускаманы бекитүү жөнүндө
Ченем жаратуу ишинин сапаттын арттыруу максатында, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:
- Кыргыз Республикасынын мыйзам алдындагы актыларынын долбоорлорун иштеп чыгуу боюнча нускама (мындан ары - Нускама) тиркемеге ылайык бекитилсин.
- Кыргыз Республикасынын Юстиция министрлиги Кыргыз Республикасынын мыйзам алдындагы актыларынын долбоорлорун иштеп чыгуу менен иштери байланышкан кызматкерлерин Нускаманы колдонууга карата окутуу программасын иштеп чыгуу жана ишке ашыруу боюнча чараларды көрсүн.
- Кыргыз Республикасынын мамлекеттик органдары Нускаманы жетекчиликке жана аткарууга кабыл алышсын.
- Ушул токтом расмий жарыяланган күндөн тартып он күн өткөндөн кийин күчүнө кирет.
- Ушул токтомдун аткарылышын контролдоо Кыргыз Республикасынын Өкмөтүнүн Аппаратынын экспертиза жана укуктук камсыздоо бөлүмүнө жүктөлсүн.
Премьер-министр С.Ш.Жээнбеков