Кыргыз Республикасынын Өкмөтүнүн 2016-жылдын 15-июнундагы № 324 “Маалыматтарды онлайн режиминде берүү функциясы бар контролдук-кассалык машиналарды колдонуу механизмин ишке киргизүү боюнча чаралар жөнүндө” токтомуна өзгөртүүлөрдү киргизүү тууралуу

Маалыматтарды онлайн режиминде берүү үчүн контролдук-кассалык машиналарды модернизациялоо боюнча рынокто тийиштүү кызмат көрсөтүүлөрдү тандоо укугун берүү жана атаандашуу чөйрөсүн түзүү максатында, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2016-жылдын 15-июнундагы № 324 “Маалыматтарды онлайн режиминде берүү функциясы бар контролдук-кассалык машиналарды колдонуу механизмин ишке киргизүү боюнча чаралар жөнүндө” токтомуна төмөнкүдөй өзгөртүүлөр киргизилсин:

- жогоруда аталган токтомдун 3-тиркемесинде:

“2-этап” главасынын 1-9-пункттарындагы “2016-жылдын 1-декабрынан” деген цифралар жана сөздөр “2017-жылдын 1-мартынан” деген цифралар жана сөздөр менен алмаштырылсын;

“3-этап” главасынын 1-5-пункттарындагы “апрелинен” деген сөз “июлунан” деген сөз менен алмаштырылсын;

“4-этап” главасынын 1-5-пункттарындагы “августунан” деген сөз “ноябрынан” деген сөз менен алмаштырылсын.

2. Ушул токтом расмий жарыяланган күндөн тартып он күн өткөндөн кийин күчүнө кирет.

Премьер-министр                                                              С.Ш.Жээнбеков