Алматы шаарында өткөн Евразия өкмөттөр аралык кеңешинин алкагында Кыргыз Республикасынын Премьер-министри Улукбек Марипов Казакстан Республикасынын Премьер-министри Аскар Мамин менен жолугушту. 

Жолугушуунун жүрүшүндө Өкмөт башчылар соода-экономикалык, инвестициялык, транспорттук жана суу-энергетикалык тармактардагы кыргыз-казак кызматташтыгынын маселелерин талкуулады. 

Жолугушуу жыйынтыгы боюнча тараптар 2021-жылы Казакстан Республикасынын аймагында кыргыз-казак Өкмөттөр аралык кеңешинин IX жыйынын өткөрүүнү макулдашты. 

Казакстан Республикасынын Премьер-министри Аскар Мамин өз кесиптешин Кыргыз Республикасынын Премьер-министри кызматына дайындалышы менен куттуктады жана ишине ийгиликтерди каалады.