Беларусь Республикасынын Премьер-министри Роман Головченко Акылбек Жапаровго Кыргыз Республикасынын Министрлер Кабинетинин Төрагасы кызматына дайындалышына байланыштуу куттуктоо жөнөттү. 

Беларусь Республикасынын Премьер-министри ар кандай форматта конструктивдүү биргелешкен ишке даяр экенин ырастап, эки өлкөнүн соода-экономикалык кызматташтыгы сапаттык жаңы деңгээлге көтөрүлөрүнө ишеним билдирди. 

«Сиздин мамлекеттик кызматтагы көп жылдык тажрыйбаңыз жана жогорку кесипкөйлүгүңүз өлкөнүн натыйжалуу өнүгүшүнө салым кошот деп ишенем», – деди ал.

Роман Головченко Акылбек Жапаровго чың ден соолук, бакубатчылык жана жооптуу ишинде ийгиликтерди каалады.