Кыргыз Республикасынын Министрлер Кабинетинин Төрагасынын биринчи орун басары Арзыбек Кожошев Москвада (Россия Федерациясы) жумушчу сапары менен жүрөт. 

Сапардын жүрүшүндө Арзыбек Кожошев эки тараптуу бир катар жолугушууларды өткөрүп, соода-экономикалык, илимий-техникалык жана гуманитардык кызматташуу боюнча кыргыз-орус Өкмөттөр аралык комиссиясынын 23-пленардык жыйынына катышат, ошондой эле ЕЭК Кеңешинин Төрагасы катары Евразия экономикалык комиссиясынын Кеңешинин кезектеги жыйынын өткөрөт.