Кыргыз Республикасынын Чүй облусунун Сокулук районунун Орок айыл аймагында 20,78 га аянттагы жер тилкеси дене тарбия-ден соолукту чыңдоо комплексин куруу үчүн айыл чарба багытындагы жерлер категориясынан өнөр жайынын, транспорттун, байланыштын жана энергетиканын жерлери категориясына которулду. 

Мындай чечим Кыргыз Республикасынын Министрлер Кабинетинин Төрагасы Акылбек Жапаров өткөргөн Министрлер Кабинетинин кезектеги жыйынында көпчүлүк добуш менен кабыл алынды. 

Кабыл алынган чечимге ылайык, Кыргыз Республикасынын Чүй облусунун Сокулук районунун мамлекеттик администрациясына төмөнкүлөрдү камсыз кылуусу тапшырылды: 

–  жерди эсепке алуу документтерине тиешелүү өзгөртүүлөрдү киргизүү; 

–  жерди максаттуу багыты боюнча пайдалануу.