11
Август
«Кыргызжылуулукэнерго» мамлекеттик ишканасынын кызматкерлерине эмгек акы төлөөнүн шарттары аныкталды
«Кыргызжылуулукэнерго» мамлекеттик ишканасынын республикалык адистештирилген комбинатынын кызматкерлерине эмгек акы төлөө шарттары аныкталды. Тиешелүү чечимге Кыргыз Республикасынын Министрлер Кабинетинин Төрагасы Акылбек Жапаров кол койду.
Мындай чечим “Кыргызжылуулукэнерго” мамлекеттик ишканасынын республикалык адистештирилген заводунун кызматкерлерине эмгек акы төлөө системасын өркүндөтүү жана тартипке келтирүү максатында кабыл алынды.
Анын негизинде «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети «Кыргызжылуулукэнерго» мамлекеттик ишканасынын республикалык адистештирилген комбинатынын кызматкерлеринин кызматтык маянасын эсептөөдө минималдуу базалык ставканы белгилейт.
Ошону менен катар «Кыргызжылуулукэнерго» мамлекеттик ишканасынын республикалык адистештирилген комбинатынын кызматкерлеринин кызматтык маяналарынын өлчөмдөрүн аныктоодо колдонулуучу кызматтык маянага эселөө коэффициенттери бекитилди.