09
Май
2023
Улуу Ата Мекендик согуштун ардагерлери сыйланды
Бүгүн, 9-майда Улуу Ата Мекендик согуштун ардагерлерин сыйлоо аземи болуп өттү. Ардагерлерди 9-май Жеңиш күнүнүн 78 жылдык мааракеси менен Кыргыз Республикасынын Президентинин Талас облусундагы ыйгарым укуктуу өкүлү Нурлан Дарданов жашаган үйлөрүнө барып куттуктады.
Кара-Буура районунун Бакыян айылынын 98 жаштагы тургуну Араке Арстамбековго жана Манас районунун Май айылынын 93 жаштагы тургуну Александр Филькинге акчалай каражаттар жана азык-түлүктөр тапшырылды.
Облус башчысы, ардагерлерге Кыргыз Республикасынын Президенти Садыр Жапаровдун куттуктоосун тапшырып өттү.
Иш-чарада чакан концерт уюштурулуп согуш учурундагы ырлар ырдалды.