Өлкө башчысы Садыр Жапаровдун энергетикалык көз карандысыздыкты жана коопсуздукту камсыз кылуумаксатында,  чакан ГЭСтерди курууга өзгөчө көңүл буруу боюнча жарлыгына ылайык, чакан ГЭСтерди куруу Баткен облусунда активдүү колго алынууда. 

Бул багытта  КРнын Президентинин Баткен облусундагы ыйгарым укуктуу өкүлү Абдикарим Алимбаевдин аракети менен, гидроэнергетика тармагына кызыккан тараптарга мамлекет жана жергиликтүү бийлик тарабынан каралган колдоолор жана жеңилдиктер жеткирилип, ишкерлердин кызыгуусу артууда.

ГЭСтин курулушу бир эле электр энергиясы эмес, сугат суу  маселесин чечүүдө да зор мааниге ээ болууда. 

Учурда Баткен облусунун аймагынан агып өткөн  дарыяларда    5 чакан ГЭСтин курулушу жүрүүдө. Алар,

1.Баткен  районунун аймагында Кыштут чакан ГЭСи курулууда. 10 МВТ кубаттуулуктагы обьект үчүн  7,0 млн сом АКШ доллары керектелээри белгиленген. ГЭСти  5 каскад менен куруу жагы пландаштырылып, учурда  1-каскадтын100% жумушу аткарылды. 

2.Кадамжай районунун Майдан айыл аймагынын Кожо-Кайыр каналынын нугунда 300 КВТ кубаттуулугунда, сметалык баасы 300 миң АКШ долларын түзгөн долбоордун курулуш иштери аяктап, биринчи агрегаттын генараторун орноштуруу иштери жүрүүдө. 

3. Майдан айыл аймагынын   Пата-Таш участкасында  4 МВттык “Исфайрам-1” долбоору  2,81 млн АКШ долларына курулууда. Курулуш иштери 90% аяктап калды. 

 4. Лейлек  районунун Тогуз-Булак айыл аймагындагы  Жаңгакты   дарыясына   0,54 МВТ кубаттуулугундагы “Белес” чакан ГЭСинин курулушу аяктады.  5 км аралыкта чубалгылары курулуп  райондук электр  тармактар ишканасынын Белес фидерине кошулду. План боюнча 2023-жылдын июнь айында электр энергия өндүрүү пландалган. 

5. Өзгөрүш айылында Козу-Баглан дарыясынын капталында 5,9  МВТ кубаттуулуктагы "Лейлек"  ГЭСи,  5,6 млн АКШ долларына курулууда.  

Мындан сырткары 10   чакан ГЭСти куруу боюнча ички инвесторлордон билдирмелер түшүп,  долбоорлору даяр. 

КРнын Президентинин Баткен облусундагы ыйгарым укуктуу өкүлүнүн басма сөз кызматы