Кыргыз Республикасынын Министрлер Кабинетинин Төрагасынын биринчи орун басары Адылбек Касымалиев жетектеген Кыргыз Республикасынын делегациясы Красногорск шаарындагы “Крокус Сити Холл” концерттик залындагы стихиялуу мемориалга барып, 2024-жылдын 22-мартында террордук чабуулда курман болгондордун элесин эскерди.  
 
Белгилей кетсек, Адылбек Касымалиев Москва шаарына (Россия Федерациясы) Көз карандысыз Мамлекеттер Шериктештигинин Экономикалык кеңешинин 101-жыйынына катышуу үчүн иш сапары менен келген.