19
Февраль
Президенттин Администрациясы тренингдерди өткөрүп,жергиликтүү өз алдынча башкаруу органдарынын жетекчилеринин отчетторун угуп жатат
2025-жылдын 17-февралынан 20-февралына чейин Кыргыз Республикасынын Президентинин Администрациясы тарабынан жергиликтүү бийлик органдарынын жетекчилери үчүн тестирлөө жана окуу сабактары өткөрүлүп жатат.
Мындан тышкары, Кыргыз Республикасынын Министрлер Кабинетинин Төрагасынын орун басарлары жана Президенттин Администрациясынын түзүмдүк бөлүмдөрүнүн
жетекчилери 2024-жылга ишинин жыйынтыгы жана 2025-жылга пландар жөнүндө жергиликтүү бийлик органдарынын жетекчилеринин отчетторун угуп жатышат.
Бул иш-чаралардын алкагында жергиликтүү мамлекеттик администрациялардын башчыларына жана облустук маанидеги шаарлардын мэрлерине мамлекеттик банктар жана өнүктүрүү фонддору менен кызматташуу мүмкүнчүлүктөрү, Кыргыз Республикасынын аймактарын социалдык-экономикалык өнүктүрүү жана бизнести колдоо, жер-укуктук мамилелерди жөнгө салуу, туризмди өнүктүрүү, жашыл энергетика жана айыл чарба тармагындагы долбоорлор тууралуу маалымат берилди.
Иш-чаранын катышуучулары актуалдуу маселелерди да талкуулашты.